eSefarad Noticias del Mundo Sefaradi
Grasia Jak Albuhayire
KOMO MUZIKA
Kuando los djidios de Espania se fueron,
la lingva espanyola kon si traeron.
Una lingva dulse i kayente,
ke komo muzika se siente.
Yo so djudia sefarada,
Y esta lingva aklarada
de mi madre ambezi
Y kon eya, en los anyos me kresi.
Es una lingva vieja, vieja…
ke yamamos «djudezmo – espanyol»
Para los mansevos puede ser konseja
ma mozos kon eya avlamos en kaleja.
Lingva mia «djudezmo – espanyol»
siempre pur mi madre me akodra.
Una lingva dulse y kayente
ke komo muzika se siente.
Grasia Jak Albuhayire
