eSefarad Noticias del Mundo Sefaradi
Grasia Jak Albuhayire
IJIKA DE SALONIK
En el treno enkontri
una dama de la Gresia.
Al lado de eya me asenti,
me konto istoria triste.
– Tinya una buena vizinika,
una amiga keridika,
una djudia ermozika,
una buena elevika.
Esta ijika de Salonik
kon ojos mavis y blondina,
estreya amariya le metieron
y ambezar le defendieron.
Una tadre hitleristos vinieron
todos los djidios arekojeron
y esta ermoza ijika tomaron
kon los djidios leshos la embiaron.
A Treblinka los yevaron, los mataron,
y esta amigita keridika,
esta buena vizinika,
esta ijika de Salonik,
mas a kaza no torno.
– Yorando la dama me konto.
Grasia Jak Albuhayre
A titulo personal, aprecio enormemente el género poetico, principalmente si este viene redactado en djudeoespanyol, una lengua que considero particularmente apropiada para expresarlo …
Gracias pues por esta «IJIKA DE SALONIK» de conotaciones sin embargo tan trágicas …