eSefarad Noticias del Mundo Sefaradi
Grasia Jak Albuhayire
AMOR VIEJA
La amor vieja
de dos almas espartidas
es komo kamino sin kaleja
komo dos brazas eskondidas
ke no se poeden alkansar.
Esta amor espartida
es komo dos peras arankadas
komo palo arompido
komo leche kortada
atras no se torna.
La amor vieja – espartida
Es komo yerva arankada
Se seka – ma es tu vida
Atras no se torna y no se olvida
– en la alma keda no se olvida
Fuente: Del libro inédito «POEZIA MUEVA» en judeo-español (ladino), Sofia, Bulgaria, 2010
Enviado a eSefarad por Leon Benatov de Sofia, Bulgaria
