eSefarad Noticias del Mundo Sefaradi
Ver todos los artikolos de esta seksion
Saludes a todos
Edmond Cohen
Paris – Fransya
______________________________________________________________
12 Willy Braun
De su kazamyento kon Baruch Braun, Sarah tuvo sinko kriaturas – kuatro ijos i una ija – el uno de los ijos syendo Volf, yamado Willy, mi papu, nasido en Odessa en 1877. Deke en Odessa ? Parese ke fue kon la okazyon de una … del orkestro en Ukranya. No sé mas sovre esto.
De todo modo la famiya Braun morava en Constantinopla, en la male de Pera, kaye Buyuk Hendek, serka de la kula de Galata. Baruch se muryo bastante djoven, sin ke sepa mas, i Sarah se topo bivda kon sinka kriaturas de mantener. Era … en teshidos, … i vestimyentas, ke iva a propozar en kaza, en los haremes de pashas turkos, a sus mujeres serradas en kaza. Se kazo de muevo, un tyempo, kon un ingles yamado Robins, ma se topo bastante presto bivda de muevo.
Sus kriaturas tuvyeron de ambezarse presto a bolar de sus propyas alas. Sus dos ijos bohores, mis grandes tiyos Albert i Isaac, se izyeron vyolonistos, Albert profesor de vyolon myentres ke Isaac, a lo manko en una epoka de su vida, abastesiya en el sinema el akompanyamyento muzikal, mas o menos improvizado, de los fimos mudos (lo ke le permetyo de dar a Betty, su inyeta, sityos de baldes, ma aki esto antisipando porke dainda Betty no aviya nasido en la epoka ke esto kontando).
Otro ijo Braun, Jacob, va instalarse en Ayifton ande funda una famiya. Ma los atadijos por letras se azen mas i mas leshanos , mas i mas raros…i es toda una parte de la famiya de la kuala no se saviya mas nada asta ke, grasyas a internet i a un sityo amerikano de jenealojiya, yo tope de muevo en 2010, sea kaji 110 anyos despues su ida, toda su desendensya, emigrada a Sydney, en Australya.
Sally, la sola ija de Baruch i Sarah, se va kazar kon un Sr Vereano, i fundar una numeroza famiya.
Enfin Willy, mi papu, por su parte, se va de Estambol a la edad de 16 anyos para ir a Viena ambezarse la … del dyamante. Estamos en 1893 basho el renyo del Emperador Franz-Joseph (i de su mujer Sissi), en la epoka de las valsas i de las operetas … Willy se keda aya kuatro anyos de los kuales guadra un rekodro …
Abolta a vente anyos a Contantinopla, ma ya se ke izo otros viyajes, entre otros en Rumania i en Fransya, en todo kavzo en Paris ande vido los lavores de fraguamento del metro.
Unos kuantos anyos mas despues, alderredor de 1905, tyene dunke 28 anyos, se kaza en Estambol kon una manseva de 23 anyos, Marie Goldenberg
A kontinuar…
Edmond Cohen
Paris, Fransya
Fuente: LK/eSefarad
