eSefarad Noticias del Mundo Sefaradi
Es kon grande alegria ke vos ago saver ke en Boynton Beach, Florida, el 6 Oktubre van empesar lisiones de ladino, projekto organizado por el Sephardi Federation of Palm Beach County i su prezidenta Rose Papo Allen, djuntos kon el templo Shaarei Shalom, ande los kursos tendran
lugar, kada primer i treser Martes de los mezes Oktubre asta Mayo.
Se va uzar el livro de ensenyansa de Matilda Koen Sarrano, traduzido para
Inglez-avlantes por la profesora Gloria Ascher.
Las lisiones seran dadas por personas ke se engrandesieron kon la lengua.
El publiko esta envitado a una resepsion en el templo el 15 de Septembre, a las 2:00 p.m.
Para mas enformasiones, kontaktar a Rose Allen (561) 301-0119 roseallen@comcast.net
Felisitamos a Rose i todos los responsables por estos kursos, los primeros kursos de muestra lingua en Florida, desde la muerte del estimado profesor David Siman, d.b.m.
Rachel Amado Bortnik
