eSefarad Noticias del Mundo Sefaradi
Avla el papagayo (2)
Un ombre está djirando en una butika ande venden animales. Veye un papagayo ermozo.
Le dize el vendedor: «Este es un papagayo spesial. Si le travas la pierna derecha, él avla en inglés. Si le travas la pierna siedra él avla en ebreo!»
Le dize el ombre: «I si le travas las dos piernas?»
Ensupitó responde el papagayo mizmo:»Yo me kaygo, troncho!»
Kontado por LILI ATTAR – 2019
Traduizido por MATILDA KOEN-SARANO
Kada semana, Matilda Koen Sarano mos konta sovre kuentos, muzika i otras kozas ke eya va arekojendo…
