Las Notas de Matilda – Poezia: A Djohá

A Djohá

Ah, Djohá, amigo mío,
Kuantes vezes me salvates,
Kuantes vezes me yevates
En tu mundo ande río.

Mi korasón avrir saves,
Kuando tengo mirikía,
Puede ser de noche o día
Muncho bien siempre me azes.

Ke tú stes lavando el gato,
Ke un pilisko al rey tú dates,
Kon tu mujer te peleates,
Ke tu gato s’izo pato.

Estos kuentos riyir azen,
Chikos grands se namoran.
Kóntalos i en la skola,
Porké a todos ya les plazen.

Ayde, Djohá, y’abasta agora,
Vate, da a otra puerta,
Si no keres verme «muerta».
Repozar yo kero un’ora.

Matilda Koén-Sarano, Pétah Tikvá, 18.5.2015

Kada semana, Matilda Koen Sarano mos konta sovre kuentos, muzika i otras kozas ke eya va arekojendo…