Las Notas de Matilda – Kuento: Vakansas de relijiozas

Vakansas de relijiozas

Tres reli[alert type=»success or warning or info or danger»][/alert]jiozas kijieron salir en vakansas.

Está diziendo la una a la otra: “Saves? Ven mos iremos a Jerusalem”.

“Komo?” disho la otra, “A Jerusalem ay munchos djudiós!”

Disho la otra: “Mos iremos a Florida”.

“No! A Florida ay munchos djudiós!”

“Mos iremos a New-York!”

“No!! A New-York ay munchos djudiós!”

Estas estavan en el parko (1). Avía ayá una viejizika.

Les vino al lado, les disho: “Eskuzame, ya oyí la konversasión vuestra”, disho, “Lo mijor es: Andavos al inferno! No ay djudiós ayá!”

(1) Parque

Kontado por MATY HORNSTEIN – 2001
Redaktado por MATILDA KOEN-SARANO

Kada semana, Matilda Koen Sarano mos konta sovre kuentos, muzika i otras kozas ke eya va arekojendo…