eSefarad Noticias del Mundo Sefaradi
El uzo del telefón
El kuento del telefón suvió a una sifra astronómika, i el shefe de la famiya yamó a todos a una reunión urjente.
«Yo uzo sólo el telefón del büró.» disho, «Por esto yo no se responsable de este gaste eksajerado porké yo no telefono avsolutamente de kaza.»
«Yo telefono muy poko del telefón de kaza.» disho la madre, «El telefón del lavoro me sierve muy bien.»
«El telefón de linya no es para mí.» disho el ijo, «Yo avlo sólo del telefón selular ke resiví del lugar ande lavoro.»
«Si es ansí, kual es el problema?» reaksionó la mosa de kaza,’ «Kada uno uza el telefón del lavoro…»
Kontado por LILLI ATTIAS – 2017
Traduizido i redaktado por MATILDA KOEN-SARANO
———————————————————————-
Kada semana, Matilda Koen Sarano mos konta sovre kuentos, muzika i otras kozas ke eya va arekojendo…
