eSefarad Noticias del Mundo Sefaradi
TODO ES POSIBLE
Un ombre dize a la mujer: «Mira akí: antes 25 anyos yo morava en una kabanya.
No tinía ni un dolar en la banka. Viajava en un otó viejo, durmía sovre un kolchón duro piedra i mirava la televizión en preto i blanko. Ma… estava kazado kon una mujer ermoza de 25 anyos. Oy yo moro en una vila kon pisina, tengo miliones de dolares en banka, viajo en Mercedes i miro la televizión sovre un ekràn enorme, ma…estó kazado kon una mujer de 50 anyos.»
Le responde la mujer: «Mi kerido, todo lo ke deves azer agora es topar una mujer ermoza de 25 anyos. Mi avokato se va okupar a ke mores en una kabanya, ke no tengas ni un dolar en la banka, ke viajes en un otó viejo i ke durmas en el patín.»
Kontado por ELISHEVA VENTURA – 2018
Traduizido i redaktado por MATILDA KOEN-SARANO
———————————————————————-
Kada semana, Matilda Koen Sarano mos konta sovre kuentos, muzika i otras kozas ke eya va arekojendo…
