eSefarad Noticias del Mundo Sefaradi
EN LA SHARA…
Un ombre era dezesperado i kería matarse.
Pensó: ‘Kuala es la manera mijor de matarme? Iré a la shara i me enkolgaré a un árvol.»
Tomó una kuedra godra i una pila, i salió de noche para la shara.
En el kamino enkontró un amigo ke le demandó: «Ande estás indo?»
«Estó indo a la shara, para matarme. Me vo enkolgar a un árvol kon esta kuedra…»
«I esta pila para kualo es?» le demandó el amigo.
«E,» le disho él, «es para ver los kulevros, porké yo me espanto muncho de los kulevros!»
Kontado por SARA I. CHETRI – 2018
Traduizido i redaktado por MATLDA KOEN-SARANO
Kada semana, Matilda Koen Sarano mos konta sovre kuentos, muzika i otras kozas ke eya va arekojendo…
