Las Notas de Matilda – KONSEJA: LO KE S’APEGA

LO KE S’APEGA

Un kavedjí traía el kavé a los sarrafim (1), i no fazía muncha atansión si le pagavan djusto o un poko manko.

Le demandava la djente : «Kuanto te sali d’esto? Ya te konviene lavorar ansina?»

El dizía : «E … lo ke s’apega … lo ke s’apega …».

Asta ke un día le disho a un amigo : «Yo, kuando meto la tavlá, la meto ande sta la moneda. La tavlá tiene debasho koza ke apega … Ansí … lo ke me s’apega … esto es lo ke gano!».

(1) sarrafim : (del turko : sarraf) cambiavaluta (en italiano), bankier.

Kontado por Hayim da Fan
Notado por MATILDA KOEN-SARANO – 2018

Kada semana, Matilda Koen Sarano mos konta sovre kuentos, muzika i otras kozas ke eya va arekojendo…