Las Notas de Matilda – Poezia: Suenyo

Suenyo

En la punta de los árvoles pretos.

Kemados por los fuegos,

Abatidos por las tempestas,

Kresen ojikas freskas, vedres,

Ke tokan el korasón.

Nase un mundo ermozo, muevo.

O, komo kería bivir en este

Mundo maraviyozo por siempre

Kon el ombre ke amo.

Matilda Koén-Sarano, Pétah Tikvá, 2016

—————————————————————————–

Kada semana, Matilda Koen Sarano mos konta sovre kuentos, muzika i otras kozas ke eya va arekojendo…