Las Notas de Matilda – Kuento: No entendió?

No entendió?

Un kuple está paseando por la sivdá.

Kuando pasaron al lado de una butika de djoyas, la disho la mujer al marido: «Kerido mío, tienes gana de merkarme una kadena?»

«Porké, mi kerida, ya te enfasiates de ir líbera?» le disho el marido.

Kontado por MALKA KALDERON – 2017
Redaktado i traduizido por MATILDA KOEN-SARANO

———————————————————————-

Kada semana, Matilda Koen Sarano mos konta sovre kuentos, muzika i otras kozas ke eya va arekojendo…