eSefarad Noticias del Mundo Sefaradi
Kazamiento felís?!
De vista después de la boda el marido dize a la mujer apenas kazada: «Yo tengo tres uzos ke tú deves entender i akseptar, entendites?»
«Sí!» responde la mujer.
«Muy bien! Primer uzo es ke kada alhad i martes a la noche yo djugo futbol kon los amigos del lavoro. Ay fiesta, no ay fiesta, a mí no me emporta de nada, yo estó en el futbol, entendites?»
«Sí!» responde la mujer.
«Muy bien! Sigundo uzo es ke kada lunes i miérkoles a la noche yo vo a peshkar, ay kumpleanyo de tu madre, no ay kumpleanyo de tu madre, a mí no me emporta, yo vo a peshkar. Entendites?»
«Sí!» responde la mujer.
«Muy bien! Treser uzo es ke kada noche de djugeves yo djugo poker kon mis ermanos, ay de ir a zmersar, no ay de ir a zmersar, a mí no me emporta. Entendites?»
«Sí!» responde la mujer.
«Muy bien! Agora, tú tienes uzos ke keres ke yo sepa?»
«Sí!» responde la mujer, «Tengo un uzo solo. Yo kada noche ago seks, ay marido, no ay marido, a mí no me emporta. Entendites??»
Kontado por MALKA KALDERON – 2017
Traduizido i redaktado por MATILDA KOEN-SARANO
———————————————————————-
Kada semana, Matilda Koen Sarano mos konta sovre kuentos, muzika i otras kozas ke eya va arekojendo…
