Las Notas de Matilda – Kuento: Es la edá!

Es la edá!

Tres amigas de una sierta edá se metieron de akordo ke van a ir al merkado endjuntos.

Dos d’eyas moravan serka la una de la otra i fueron endjuntos a tomar a la tresera.

Arivando a su kaza, para no suvir, la una kijo yamarla de abasho.

Izo para yamarla, ma no le estava saliendo su nombre de la boka.

Le disho la otra kon inyervos: «Kualo? Ya tienes skleroza?»

«A!’ gritó eya «Ya me akodrí: Roza, Roza!!»

Kontado por MATILDA KOEN-SARANO – 2016

Kada semana, Matilda Koen Sarano mos konta sovre kuentos, muzika i otras kozas ke eya va arekojendo…