eSefarad Noticias del Mundo Sefaradi
En un barko
En un barko avía un haham, un imam i un papás ke stavan kaminando.
E
l papás disho: “Mozotros rogamos ke kuantos guevos komemos en la Paskaliá, tantos de los Muzulmanos ke se mueran”.
El imam: “Mozotros rogamos ke kuantos karneros degoyamos en Kurbán, tantos kristianos ke se mueran”.
Le demandaron al djidió: “Vozotros kualo rogásh?”
Disho: “Mozotros rogamos siempre ke el Santo Bindicho El oyga las orasiones vuestras!”
Kontado por ITZHAK ALALUF – 1999
Redaktado MATILDA KOEN-SARANO
———————————————————————-
Kada semana, Matilda Koen Sarano mos konta sovre kuentos, muzika i otras kozas ke eya va arekojendo…
