eSefarad Noticias del Mundo Sefaradi
En punto de muerte
Djohá estava para murir, echado en la kama.
La yama a su mujer i le dize ‘»Presiada, te v`a rogar: vístete el mijor fostán ke tienes, pényate, enjóyate, métete el parfum ke me gusta, i ven aséntate al lado de mí».
La mujer, enkantada, le pregunta: «Djohá, komo de demandas tienes! En el estado onde estás yo me v`a ermozear, para ken?»
«Djustamente,» le responde Djohá,» kuando el guerko va vinir, puede ser ke se namora de ti, i al lugar de tomarme a mí te toma a ti!»
Kontado por SELIM SALTI – 2007
Redaktado por Matilda Koén-Sarano
Kada semana, Matilda Koen Sarano mos konta sovre kuentos, muzika i otras kozas ke eya va arekojendo…
