eSefarad Noticias del Mundo Sefaradi
EN FARMASÍA
Un ombre entra en farmasía i demanda una milizina para durmir.
El farmasista le demanda: «Es para ti?»
«No,» le dize el ombre, «es para mi suegra.»
«Porké, «le dize el farmasista, «no durme la noche?»
«La noche durme muy bien. Yo se la vo dar el día ke mos kita del mundo!!»
Kontado por MATILDA KOEN-SARANO – 2017
———————————————————————-
Kada semana, Matilda Koen Sarano mos konta sovre kuentos, muzika i otras kozas ke eya va arekojendo…
