eSefarad Noticias del Mundo Sefaradi
Demanda lejítima
Djohá no savía azer el Séder. Fue ande el haham i le demandó: «Sinyor Haham, komo se aze el Séder?»
Le disho el haham: «Merka todas las hovot, ijo mío, mételas enriva la meza i todo lo ke van azer vuestros vizinos azé i vozotros.»
Djohá merkó todo ke se tiene menester para azer el Séder, lo metió enriva la meza i disho a la mujer: «Va mira kualo están aziendo muestros vizinos, porké mozotros vamos azer lo mizmo.»
La mujer fue i miró de la ventana i vido ke el marido de la vizina le dio un shamar.
Kuando vido esto, eya korrió presto a kaza.
Le demandó el marido: «Kualo vites?» ma eya no le respondió.
«Kualo vites?!» gritó Djohá. I esta vez eya no le respondió.
Entonses Djohá se aravió i le dio un shamar.
«Si ya savías, deké me mendates?» le disho la mujer yorando
Kontado por MATILDA KOEN-SARANO – 2015
Kada martes, Matilda Koen Sarano mos konta sovre kuentos, muzika i otras kozas de su eskritura. Los tekstos ke partajamos koresponden a los programas de la seksion «Shabat a la noche» de Kol Israel del siklo ke eya mizma melda despues del Notisiario en Ladino
Excelente. Somos una comunidad de Sefarditas Costarricenses que por medio de estudio de la Torah y Hamajah estamos haciendo conciencia en todos aquellos que deseen retornar a sus raíces Judeo Sefarditas, puedes encontrarnos en Facebook Levi Chacón.