eSefarad Noticias del Mundo Sefaradi
– La Sección en ladino de cada semana del periódico Shalom de Estambul siempre con artículos interesantes… – Kada semana el djurnal Shalom de Estambol kita una pajina en djudeo-espanyol. Esta semana podesh meldar los sigientes artikolos, tokando el titolo de kada uno:
27 ENERO 1945-UNA DATA MEMORAVLE -1: Es la data de la liberasyon del Kampo de Kosentrasyon Auschwitz, nombrado komo el “Kampo de la muerte”. Se eskrivyo muncho sovre la “Shoa”, se izo filmos, se izo i se esta azyendo oy en diya investigasyones en una kontinual bushkida de testimonyos de akeya epoka terrivle. Auschwitz es el simbolo de la grande trajediya del 20. Siglo, de la salvajeriya inumana ke nunka devemos olvidar…
27 ENERO 1945-UNA DATA MEMORAVLE -1- El briyante adelantamyento del sefaradizmo Fransez…: Si… Avlimos en fransez, ma un fransez entrufado de palavras o de fragmentos de frazes en djudeo-espanyol, tal ke lo uzamos munchas vezes aki en Estambol… Aunke los sefaradim de Fransya son desde munchas jenerasyones antes profundamente introduzidos en la kultura de sus payis de nasimyento, munchos de entre eyos tyenen komo un eskarinyo persistyente de sus lingua etnika… lo ke produze en sus esprito komo una fuzyon de dos sivilizasyones…
- Tres orozos eventos al seno del Shalom: Las buenas novedades son komo un viatiko i sostyenen muestro moral en estos tyempos ande el mundo esta kontinualmente en estado de rebuelta; ansi es kon grande plazer ke vos damos las sigyentes:Meri i Robert Schild ansyano eskritor de muestro semanal “El Shalom” devinyeron avuelos de una linda inyeta nombrada “Keren Schild”…
- La ventana de vuestra ermana: LOS SENTIMYENTOS DE KAZAR UNA IJA: Antes un mez i medyo pasi un desrepozo i kalyo iyirme al ospital para una semana. Lores al Dyo ya me metyeron en pyes siguramente kon la ayuda de las kuras. Para estar en pyes kale trokar los penseryos, no kansar i pueder solusyonar las problemas de la vida…
- Mi?el Benrey mos desho por syempre mankos de su Prezensya: La muerte de Mishel Benrey fue para todos los ke lo konosiyan i partikularmente para su entorno immedyato: ija, ijo, inyetos, paryentes i amigos, un terrivle golpe emosyonal.El venia muevamente de tornar de viaje de izmir ande avia ido kon un grupo de amigos pasar la nochada del pasaje al anyo 2013…
Kerida Liliana, kreygo ke si es posivle azer atension a la letra ? (s kon sediya debasho) i remplasarla kon ‘sh’ (komo SHALOM, al lugar de ?alom) los eskritos seran mas entendivles para los lektores.
Komo siempre, grasias por todo el lavoro, tuyo i de Marcelo.
Saludos,
Rachel
Te rengrasio Rachel, es ke este lavoro ago «a mano» i sempre me manka trokar alguna letra, es ke no es solo la s kon sediya debasho ke troka por ? sino tambien otras letras.
Liliana