La Seksion en ladino de kada semana del djurnal Shalom de Estambol – 12/11/2014

La Sección en ladino de cada semana del periódico Shalom de Estambul siempre con artículos interesantes… –  Shalom / pajina en djudeo-espanyol.

Esta semana podesh meldar los sigientes artikolos.

• Paseos en el espasyo del “Humor Ashkenaz”: Sovre mi meza de lavoro, el muy interesante livro de muestro kerido amigo Robert Schild, entitulado ‘Aşkenaz Mizahında Gezintiler’ (paseos en el espasyo del humor Ashkenaz).
  El es kompuesto de dos primeros kapitolos eksplikativos muy interesantes a meldar, loskualos mos dan una idea bastante ancha de lo ke es en realidad el “humor Yiddish” en su dimensyon djudia i tambyen humana… ver mas >>

• ESTAMBOL: Sivdad de Mil Fachas -6: Constantinople, sivdad aprezada entre las murayas de la Era Medieval, no se konosiya dayinda komo “Estambol”. Gradualmente empeso a travar la atansyon de viajadores, pintores, eskrivanos estranyeros, espesyalmente en la perioda briyante del Imperio Otomano. Estos artistos, en diferentes formas i diversas maneras, reflektaron syertos lugares, sentros o distriktos de la Kapitala de entonses… ver mas >>

• Mi Inyeta: DİANA PENSO /ESTAMBOL. Yo la yamo “chikitika”, eya me responde “chikata”. Demuazel de sesh anyos, de ke empeso a konoser los shifros, eya me avre telefon sola, para tomar de mis novelas… De ke konosıo las letras, me eskrive kartas de augurasion en fiestas i aniversarios. I no se olvida de desinar siempre un korason al lado de la sinyatura… Kuando va vinir a mi kaza, inche una poshet, d’eya para eya, de frutas, shokolat, leche chika i me la traye regalo para mi… ver mas >>

• El kokteyl de Matan Baseter: La semana ultima, alhad demanyana tuvimos grande plazer de asistir a la avyertura del mupak “Kosher” del “catering” de la Matan Baseter. En una fragua mueva, muy grande, todos los mupakes tantos limpyos, estavan briyando i golyendo al miskle. Este dia fue organizado de la parte de los dirijentes de Matan-Baseter, de una manera perfekta… ver mas >>