La Seksion en ladino de kada semana del djurnal Shalom de Estambol – 11/09/2013

La Sección en ladino de cada semana del periódico Shalom de Estambul siempre con artículos interesantes… –  Kada semana el djurnal Shalom de Estambol kita una pajina en djudeo-espanyol. Esta semana podesh meldar los sigientes artikolos, tokando el titolo de kada uno:

• Chikas refleksyones de Erev Kipur: Shabat ke vyene, el 14 del mez koryente vamos a kumplir ‘Kipur’ ….dia de solemnidad entre todos, ke mizmo los no-kreentes munchas vezes observan… Dia ande el ombre syente ke se topa delantre Dyo para dar kuento de sus aktos i implorar su perdonansa, lo ke para kada uno de entre mozotros tyene una sinyifikasyon espesyal… ver mas >> 

• Sorprendente deklarasyon de Mohammad-Javad Zarif: Klara PERAHYA- Es ke realmente uvo un kualkyer trokamyento en la politika Iranyana kon la instalasyon del muevo governo? Kestyon a la kuala es difisil de responder, partikularmente en estos dias ande el mundo esta realmente en rebuelta i ande nada puede ser afirmado ni desmentido, dias ande todas las hipotezas son posivles i mizmo paresen tener una syerta lojika, sin ke ninguna de entre eyas konstitue el elemento de baza de una sertidumbre… ver mas >>

• Diaporoma de la segunda Universidad Sefardi de Enverano Organizada por la Asosyasyon “Aki Estamos” de Paris: enemos de resivir una misiva de parte de la Asosyasyon Sefardi de Fransya “Aki Estamos” ke organizo, ay de esto dos mezes, una segunda Universidad de Enverano a la kuala asistyeron 340 personas. Felisitamos kalorozamente los dirijentes de la dicha Asosyasyon por el ermozo lavoro ke eyos estan kumpliendo en el kampo de la promulgasyon de muestra lingua etnika i los agradesemos de alma i korason de avermos mandado el adreso… ver mas >>

• La ventana de vuestra ermana: ROSH – ASHANA: Kada anyada mueva es la puerta de un presipyo (ba?lang?ç); de un empesijo. Para las personas el anyo muevo es la signifikasyon de las muevas emosyones, muevos dezeos, muevos akonsintimyentos. Dingunos de mozotros no somos perfektos. Todos penamos kontinualmente para ser una persona mas buena. Unos de mozotros keren aflakarsen, otros no keren mas fumar, u el buto de otros es avansar moneda. Ken de mozotros keren ser mas pasensyozos, otros mas ordenados (düzenli), otros tolerentes… ver mas >>

• Kuantos judyos kedaron en Eipto: Magda Harun, la prezidente de la komunidad judiya en Kairo, se esta sintyendo dezrepozada de oyer antisemit ensultos en la kaye. Se esta inyervando kuando oye ke los ejipsiyanos estan kemando las eglisyas de los kristianos koptos, ke son una minorita relijioza mas grande de la komunidad judiya en el pais. Magda se esta estimando ke sus kompatriotos se olvidaron ke ay judyos ke kedaron en el Ejipto… ver mas >>