La Seksion en ladino de kada semana del djurnal Shalom de Estambol – 10/04/2013

La Sección en ladino de cada semana del periódico Shalom de Estambul siempre con artículos interesantes… –  Kada semana el djurnal Shalom de Estambol kita una pajina en djudeo-espanyol. Esta semana podesh meldar los sigientes artikolos, tokando el titolo de kada uno:

• Shevim Panim La Tora: Alhad pasado 7 nisan tuvimos en la eskola Ulus un diya de konferensyas por darsanes etranjeros i lokal. El evenimyento yamado “70 Pencere” (Shevim Panim La Tora) empeso a las 11 de la demanyana i kontinuo fista las 6 de la tadre. Los sujetos eran: Kualo es el sekreto de un kazamyento orozo? Komo topar la felisidad? Ya tenemos la felisidad aryento de mozotros?…

• Alegria en las famiyas Hasan i Saul: Las famiyas Hasan i Saul tuvyeron la grande i ermoza kontentes de fyestar Shabad pasado el Bar-Mitzva de sus ijo i inyeto ALP SAUL al kual auguramos vida larga, salud buena ansi ke reushita perfekta en sus estudyos i su egzistensya. Ombre de Buena Ventura ke el sea syempre, poderozo i provechozo para sus keridos i todo su entorno. Todas muestras felisitasyones a las famiyas Hasan i Saul kon muestros sinseros dezeos de felisita i alegria.…

• Mair i Sheli Gaon en dolyo: Muestro amigo Mair Gaon myembro aktivo de muestra komunidad i su konsorte muestra valoroza kolega ?eli Gaon tuvyeron la dolor de pedrer sus padre i esuegro: ISAK GAON, elkual serro sus ojos por syempre, entornado de la kerensya i del kudyo de sus keridos. Ke su alma repoze en paz. Prezentamos a su mujer la sinyora Meri Gaon ansi ke a sus ijos Mair, Nesim i Yeshua Gaon i sus konsortes, muestras sinseras kondolensas i la ekspresyon de toda muestra simpatia...

• KOMEMORASYON de YOM HASHOA en la SINAGOGA ASHKENAZ: Alhad, 7 de Avril se organizo en la sovredicha Sinagoga una seremoniya de Komemorasyon kon la partisipasyon de diversas otoridades i un grande shifro de muestros korrelijyonaryos. Fue una tadrada de intensa emosyon. Muy probavle ke una de las amigas de esta pajina va eskrivir sovre el evento. Pensando ansi, preferi yo eskrivir en unas, kuantas linyas, una kurta jeneralidad sovre muestros amigos Ashkenaz i despues, kontinuar kon la Istoria de la Sinagoga…

• El livro “Bir Zamanlar Büyükada 1931-1961” de Viktor Albukrek: El livro “Bir zamanlar Büyükada 1931-1961” eskrito en un estilo klaro komo la agua de un manadero ke ninguna angusya parese trublar i kon una grande sensivilidad perseptivle en kada paragrafo, fue para mi komo un retorno a munchos anyos antes i so konvensida ke sera lo mezmo para munchos de sus lektores…