La Seksion en ladino/djudeo-espanyol de kada semana del djurnal Shalom de Estambol – 18/11/2020

La Sección en ladino de cada semana del periódico Shalom de Estambul siempre con artículos interesantes… –  Shalom / pajina en djudeo-espanyol.

Esta semana podesh meldar los sigientes artikolos:

• Todo lo ke se ve no es dulse: Hayim Behmoaras. La ormiga estava pasando delantre de un arvole, vido ke enbasho aviya una koza, miro, miro no entendyo i disho, gostare un pasiko, i entendere kualo es. I lo gosto. Miro ke la savor esta muy ermoza, estava dulse, alevanto la kavesa i miro ariva. Ke ve, enriva del arvole aviya un sesto, i del sesto estavan kayendo abasho pedasikos… ver mas >

• Kaminando i Avlando: Silvyo OVADYA. Es diya de djugeves ke resivi un paketo – esta vez reelmente un paketo – de Fransia ke estava vinyendo de la revista “Kaminando i Avlando”. Este numero estava bastante voluminozo. Kuando avri el paketo vi el numero 36 de la revista de 64 ojas i por la primera vez su suplemento de 76 ojas. I ay unos kuantos diyas ke esto meldado estas revistas… ver mas >

• Ke va ser?: Forti BAROKAS. Ay unos kuantos diyas ke esto tomando haberes de amigos i konosidos ke aferaron este maldicho virus Covid19, ken esta en el ospital ken lo esta pasando en kaza. En todo kavzo ya vino a la puerta de todos. Es verda ke estamos salyendo a la kaye kon maskas, no mos estamos suvyendo a transportos publikos, no bodas, no vijitas, no sinema, no teatros ma para los medikos no es sufisyente sovre todo a la edad muestra… ver mas >

• CARMEN HERRERA: “NO AY EDAD PARA REUSHIR”: Süzet FRANSEZ. Nasida en 1915, en Havana Kuba, en una famiya intelektual. Su padre era editor del jurnal El Mundo i su madre jurnalista del mismo jurnal. Herrera, desde su chikes era muy interesada en la pintura i avia tomado lisiones partikulares. En su manseves, eya kontinuo a estudiar el arte en Paris i viajo a Roma i Berlin… ver mas >

• Museo Djudio de Prag: Esti SAUL. ci je n’ai pas vu de papillon. Dessins et Poèmes des Enfants de Terezin. En este livro egzisten mas de 4000 desenes i sienes de poemas… Esta publikasion mos prezenta una chika partida de las ovras de los adolesentes de Terezin ke eksprimaron sus penas para partajar sus suvenires, sus ambisiones i sus dezolasiones. Viktimas, tenian esperansa de salvarsen i ser orozos kon sus keridos…ver mas >

• Toledot: Rav Yeuda ADONİ. Avraam muryo de edad de 175 anyos kon vejez buena i arto de todo bueno i fue enterrado por mano de Yitshak i Yismael, sus ijos en Hevron en la meara ke merko de los ijos de Het. Esav, el ijo grande de Ishak, todo su tyempo lo pasava en los kampos, la kontra de Yaakov su ermano ke no pensava mas ke estudyar en la ley i en la sensya i kaminava syempre kon plinismidad i buendad kon el Kriyador… ver mas >

• LA ENDIVINA DE HARBIYE: Eliz GATENYO. En un livro de Rıfat Bali sovre Estambol del siglo pasado, el esta kontando una estorya muy pitoreska. Al tiempo la profesyon de endivinar se aziya en las kavanes, kon kartas de djugar. Las endivinas teniyan sus klientes eskojidos. Eyas los aresiviyan kon randevus komo doktores… ver mas >

• LA EDUKASYON JUDIYA EN EL ORYENTE: Dora NİYEGO. Las eskolas de L’Alliance Israelite Universelle (AIU) djugo un grande rolo en la modernizasyon de la edukasyon judiya en el dizimueven siglo. Esta organizasyon fue una realizasyon de la konsensya judiya franseza. Los judyos de Fransya sintyeron la responsabilidad de ayudar sus korelijyonaryos kontra la asimilasyon… ver mas >

• Yente la eskrivana en Yiddish: Metin DELEVİ. Esta semana vos kero azer konoser, una eskrivana djudia, una de las primeras eskrivanas ke entro en la shena de la literatura djudia en Yiddish. La literatura Yiddish entro en su era moderna en los anyos de 1860, kuando los eskrivanos djudios empesaron a uzar la lingua germaniko-djudio para eskrivir romanes, istoryas i poemas… ver mas >