La Seksion en ladino/djudeo-espanyol de kada semana del djurnal Shalom de Estambol – 15/07/2020

La Sección en ladino de cada semana del periódico Shalom de Estambul siempre con artículos interesantes… –  Shalom / pajina en djudeo-espanyol.

Esta semana podesh meldar los sigientes artikolos:

• DEKE HITLER NO LOS KERIYA BYEN A LOS JUDYOS: Dora NİYEGO. Hitler kreyiya ke los alemanes eran de sangre pura, ke eran la raza ariya i los konsiderava a los judyos komo la rasa la mas basha. Otra razon por su odyo era ke Hitler estava averguensozo de su erensya judiya. Su nona aviya lavorado en una kaza judiya, i tuvo relasyones seksuales kon un miembro de esta kaza. El padre de Hitler fue rejistrado komo illejitimo… ver mas >

• Louis Armstrong, una lejenda enternasyol del jazz, una estreya del radyo i de sinema… Puedeser engrandesido i kudyado por djudios?: Metin DELEVİ. De una punta de vista podemos dizir ke si. Louis Armstrong, tambyen konosido komo «Ambasador Satch», o kurtamente “Satchmo” fue adoptado non-ofisyalamente por una famiya de imigrantes djudios de Lituania ke teniya un negosyo de vendida ambulante de kozas vyejas, o komo se dize, “eskidji”, en Louisiana. Se yamavan Karnofsky… ver mas >

• SER MANSEVO: Şeli GAON. “LA MANSEVES” no es una perioda de la vida, ma es un estado de la alma, es el efekto de la voluntad, una kualidad de la imajinasyon, una intensidad emosyonal, una fuersa de koraje sovre la timidez, la savor de la aventura sovre el amor de la komodidad… ver mas >

• EDİZ BAHAR: Forti BAROKAS. Ediz Bahar nasyo en el anyo 1977 en Estanbol. Despues de la eskola primera, eskapo la universidad Galasaray, Fakultad de Administrasyon. Es kazado i padre de dos buchukes un ijo i una ija. Yo lo konosi a Ediz apenas teniya 11-12 anyos en el Dostluk Yurdu Derneği en la piesas musikales… ver mas >

• Mónica Molina La Reyna de «Love Songs”: Esti SAUL. Sus kansiones amorozas obtuvieron un grande sukseso internasional. Sus albumes resivieron nombrozos premios. Fue nominada en 2002 por el «LATIN GRAMMY AWARD». SPOT. La odiensa de Estambol tuvimos la suerte de apresiarla en Harbiye Açık Hava Tiyatrosu en una noche de Agosto… ver mas >

• YA VINIMOS, YA VINIMOS!: Eliz GATENYO. De ke nasi asta agora, kada enverano mos vamos a la kampanya. Asta ke kazi, mos ivamos a Yeşilköy. Mi marido se iva a Büyükada. Despues ke mos kazimos me propozo mi marido de irmos a Büyükada por enverano. Aksepti, akel enverano mos fuimos a Büyükada. Ya estava todo muy ermozo. Las guertas, los faytones, la mar, las flores, las golores de los arvoles de akasya, de flamur o de manolyas… ver mas >

• El Dezeo i el Destino: Ester PANDO. Keridos Lektores, Esta semana fue publikado mi chiko artikolo en la pajina Judeo-Espanyol del Şalom. Kero rengresyar a todos spesialmente a Karen. Vos kero kontar un chiko rekuerdo un poko triste. Yo estudyi en una eskola franseza aki en Estambol. Entremientres teniya muncho dezeo de ir a Paris i suvir a la Tour Eiffel. Mis padres me kaminavan muncho, ma la Fransya no uvo oportunidad… ver mas >

• Matot – Mase: Rav Yeuda ADONİ. Kol akoes hahtomo mistaleket mimenu: el ke se ensanya, su sensya se le resfuye de el. En la perasha de Matot meldamos este kapitolo: I Elazar Akoen disho a los varones del fonsado ke se avian ido a la gerra, esto es el fuero de la ley ke el Kriyador enkomendo a Moshe… ver mas >

• Los Grupos Sefaradis del Sentro Sefaradi: Silvyo OVADYA. El Sentro Sefaradi d’Estanbol oy en diya tyene dos grupos en el whatsapp, “Kazika Kultura Sefaradi”. Tyene un alay de miembros. Entre eyos ay unos ke eskriven kada diya, mizma kada ora, mizmo unas kuantas vezes en una ora. Un mez antes, Daniel Levi de İzmir me eskrivyo diziendome ke keria azer aktividades sovre esta lingua i le dishe ke puede venir al grupo… ver mas >