Nacido en Estambul, Gad Nassi graduó de la Galatasaray High School y de la Facultad de Medicina de la Universidad de Estambul. Comenzó su carrera como autor durante sus estudios de secundaria, escribiendo para revistas locales. se desempeñó como director de Shalom, el periódico de la comunidad judía de Turquía, como corresponsal de varias publicaciones extranjeras, y también dirigió la oficina de prensa del consulado israelí en Estambul. Es uno de los promotores y fundadores de El Amaneser, un suplemento mensual en judeo-español del periódico Shalom en Estambul. Kada semana Gad mos dará artikolos de su kreasion para kompartir kon muestros lektores.
————————————————————————————————————————————————–

La Fey de Pinhas 

Durante los kuarenta anyos ke el puevlo deIsraelestuvo arodeandose en los kampos de Sinay, es al Trivo de Levi ke fue dado eldoverde tener kargo del Tabernaklo.

Aaron ke apartenia a este Trivo, fue el Rabino en Kapo. Nadav i Avihu, sus dos ijos behores, fueron nominados a suksedarlo en esta tarea. La Biblia rakonta ke por no aversen konformado a las reglas de asender el insenso del Tabernaklo, Nadav i Avihu fueron devorados por su flama.

En esto, Moshe se adreso a Aaron, por la boka del Dio:

«Va amostrar mi santedad a los ke se aserkan de mi, i sera glorifikado delantre todo el puevlo«.

Moshe ordeno de kitardelsanktuario los puerpos de Nadav i de Avihu. Despues se adreso a Elazar i Itamar, los dos ijos mansevos de Aaron:

«No deshesh ke vuestros kaveyos se alargan i no arasgesh vuestros vistidos… Toda la Kaza de Israel se endolyera por la flama ke el Dio asendio. I la bendision del Dio sera kon vozotros«.

Despues de la muerte de Aaron, Elazar, su treser ijo, tomo su lugar, en tanto ke el Rabino en Kapo. De Elazar nasio Pinhas.

Kuando los Djudyos se estavan aparejando a pasar a la oriya  oksidentala del Rio Yarden, Balak, el Rey de Moab, se avia muncho merikiado en pensando ke estos ivan a atakar a su payis.

Entonses, mando sus emisarios a Balaam, ke era un profeto i un ichizero,  para ke enkoraje a sus soldados i ke maldiga a Israel. Potanto, Balaam no puediendo maldizir al Puevlo del Dio, les konsejo de seduizir a los Djudios en uzando sus mujeres i ansi, detornar a los ebreos del Dio. Aunke los puevlos de Median i de Moab fueron de siempre enemigos, se unisaron en frentedelperikolo deIsrael.

Kuando Israel se avia aresentado en Shitim, los Djudyos empesaron a tener relasiones kon las ijas de Median i de Moab, ke los insitaron a devuarsen a sus dios i a partisipar en sus seremonias orjiastikas.

Entonses, una epidemia – probablamente una maladia venerala transmetida por las medianitas – avia desbrochado.  I kuando el puevlo se estava lamentando, un Djudyo trusho delantre de Moshe i del puevlo a una medianita a su tienda.

Pinhas en apersiviendo a esto, se alevanto en supito i tomo una lansa. Entro a la tienda ande los dos estavan endjuntos i transperso sus puerpos. En segito, la epidemia ke, entretiempo avia matado vente i kuatro mil personas, se kedo.

El Dio avlo a Moshe:

«Toma la vengansa de los ijos de Israel por lo ke los medianites kavzaron. I despues seras unido a tu puevlo «.

En esto, Moshe se adreso a los ebreos:

«Armavosh para la gerra, i para kombatir a los Medianites i para vengarvosh del dio de Median. De kada Trivo de todos los Trivos de Israel, toma mil soldados para gerreyar.»

De este modo se arekojo dodje mil soldados, mil de kada uno de los dodje Trivos, i kon eyos, Pinhas.

Moshe los mando a gerrear, i estos atakaron a los medianites. Mataron kon sus espadas a todos sus ombres i a todos los reyes de Median: Evi i Rekem, Zur i Hur, i Reba, endjunto kon Balak, el Rey de Moab. I los ijos deIsraeltomaron por kaptivos a las mujeres de Median, kon sus kreaturas, i se regalaron de sus vakas i kodreros, i de todo lo bueno ke tenian.

De mizmo, kemaron a todas de sus sivdades i a todos de sus kastilios. I Moshe, i Elazar el Rabino, i todos los prenses de Israel salieron en delantre

para resivirlos.

* * *

Moshe, el mizmo, no dirijo a esta gerra, porke kuando se avia refujiado en Median en fuyendose de Ayifto, se avia kazado kon una Medianita.

La leyenda rakonta ke kuando Pinhas se avia revoltado achakes de la muerte de 24.000 mil personas kavzada por la epidemia, avia diskutido kon el Dio a esta injustisia. I kuando los andjelos kijeron alesharlo, el Dio lo avia defendido:

«Deshaldolo, el es un devuado i el desendiente de un devuado«.

Es Pinhas ke avia defendido de bever vino aparejodo por los ajenos, porke los medianites avian uzado de sus vino para seduizir a los djudyos. Pinhas fue de mismo uno de los dos espiones ke Yoshua iva mandar mas

tadre a Yeriho, antes de konkistarlo.

————————————————————————————————————

Gad Nassi