En el jewish News de esta semana tenemos el articulo de Yossi Aron ke se fue a ver la familla en Miami. En esta ocasion se decidio de irse tambien a Cuba i visito la Comunidad Judia.Esto es lo ke nos conta.
Saludes a todos
——————————————————————————-
LA HAVANA DJUDIA
La semana ke viene marka 80 anyos de la yegada de 936 djudios Almanes ke avian merkadovisados para ir a Cuba. Dezesperados a topar refujio, sus visados fueron invalidados djusto kuando la nave estava saliendo de Hamburg. Al yegar a Havana la nave fue forsada a partir. El governo Amerikano refuso de tomarlos. Mizmo si Britannia, Fransia, Beljica i Olanda avian tomado a unos, los Nazistos tuvieron un buen éksito. Les ayudo a azer mas propaganda para amostrar ke ninguno keria a los djudios. 254 de los pasajeros murieron en el Olokosto.
Karniseria djudia en Cuba
En mi vijita a Miami tuve la oportunidad de tomar un krusero a Havana. Al yegar al porto pensi a los pasajeros djudios en el barko St.Louis. Eyos no pudieron desembarkar i yo en este anyo pude avajar i azer el tour de la Havana Djudia. Los djudios se estavlesieron en este paiz en el sieklo 16 i 18. Malgrado las persekusiones de la Inquisision, la komunita tenia sus orijenes kuando Cuba se izo independiente de Espanya en 1898. Los djudios Amerikanos ke vinieron, fondaron la primera sinagoga «Temple Reform» en 1904. En los anyos yegando a la Primera Gerra Mundiala se vido inmigrantes del Medio Oriente i Turkía porke no kerian servir en la Armada Otomana. En 1914 los djudios sefaradies kriaron el Union Ebreo «SHEVET AHIM» -7 Hermanos-. En 1925 vinieron los ashkenazies de Evropa kriando sus comunita kon la sinagoga «Adas Israel» ke era estriktamente relijioza. Kon el tiempo varias komunitades fueron kriadas, con la eskola primera i con grupos de djuventud del Movimiento Sionista. En 1925 vivían ayi 8000 i despues de la guerra se hicieron 15.000.
Kon la Revolusion de 1959 la situasion ekonómika forzo a la mayorita de los djudios a partir. En 1970 solamente 1500 se kedaron i oy tienen 1200. Komo es la vida dudia hoy? La mayorita de los djudios moran en Havana. La comunita esta atada a la Sinagoga Konservativa con su salon de aktividades i funsiones. Tienen una livrería de livros djudios i un servicio de Shabbat i de Yamim Tovim/Dias de fiesta. Los sefaradies no tienen provlemas de MINYAN i en los anyos 1980 no era el kavzo. Los ombres se dechizaron de adoptar ‘La Solucion Cubana» ke era 8 hombres, la Sefer Torah i el Dio en el sielo. No ay un ravino en la izla i es el HAZAN ke dirije todo. Sirve como MOEL i SHOHET, komo karnesero de Karne Kosher i kada 2 semanas se va al lugar para matar los animales. Cuba tiene un sistem de rasiones i el resto se importa. Ay un simeterio djeneral djudio en Havana i un otro de mas para los sefaradies. Se topa una TAHARA SHTIEBL i el Memorial del Olokosto MATZEVOT. Ay mas de 100 tombas kuadradas de las kriaturas ke murieron de Fiebre Amariya en los anyos 1920. A la fin vide el Otel Rakel ke no era Kosher i ke no apartenia a djudios. El bar se llamaba LE HAYIM, la tienda BETSALEL. Tenia la MENORAH i el MAGEN DAVID i las kamaretas debajo tenian nombres como ABRAHAM, ISAAC i DAVID. Al suelo las kamaretaas se llamaban MIRIAM, DEBORAH i mas. En kada puerta avia una MEZUZAH.
eSefarad Noticias del Mundo Sefaradi
