eSefarad Noticias del Mundo Sefaradi
Saludozos todos mis keridos.
Kontando diyas i semanas, adjustimos un mez, en la gerra. La gerra; no ay menester de esplikarla. Es un estado kruelo. No solo el peryedor, i el ke esta adelantando kon una ventura; se konsiente mankura de alegria; en kavzo de loz ke kayeron i se firieron o ke se arrevataron en la gerra.
En siertas kondisiones; las partes arrivan en akordo de una aparada umanitara. I la kondision sera; ayudar a los anosientes, ke se topan arriento de este estado. Verdad ke es ansi. Ma; esto es una kondision ansi ke, kuando se trata de una situasion; ke los paizes ke estan en gerra; son umanikas!! En un estado ke todas las vandas ke gerreyan pensan de ayudar a los ke estan sufriendo.
No es tratado, en e el estado; ke una de las partes se komporta en manera kruela, a la djente ke no pueden defendersen en kualsiker manera. O ke son, arankados i arrevatados de sus kazas. Kuando egzisten; kreaturas, mujeres i aedados entre los arrevatados!!
Una nasion ke se komporta kruelmente a los arrevatados i apprezados innosentes kon feursa ke tiene en mano; No se konta nasion umanitara. De sorte ke no tiene la razon en denguna manera; a demandar una » aparada humanitara». No solo los kruelos ke se komportan ansi. Anke denguna organizasion, ke no prova a ayudar a los arrevatados; no tenera la razon de tomar parte.
Lo ke vengo a dizir: Ay ke tornarlos a sus libertad a todods los arrevatados, i no realizar dengu negisio sovre eyos.
Dios estara kon sus kreyentes. Dyas trankilos i Saludos.
***
Enpeso a miz biervos, provando a partisipar; a la dolor i amargura ke sienten famiyas ke peryeron a sus presiozos en la gerra. Kon dezeo de sanedad kumplida a todos los firidos en la gerra. Kon esperansa; ke tornaran todos los arrevatados i pressioneres ke esta en mano de el inimigo. I kon orasion de estar aunados kon sanedad a todos los keridos.
Estamos pasando una epoka; muchos de nozotros, no konosyo koza semejante. Ansi ke; muy difisil de adelantar, kualsiker idea. Lo ke azemos es; rogar a dios ke moz guadre de todo el mal ke se aparese. Konfiar a la armada ke reushera en sus ovras. I deshar a el governo por derijar solusiones a las problemas.
Malorozamente, en la kesion de “deshar al governo a derijar”! No se si adelanta las demandas, en una manera ke setisfikara! Ma ke se dize?! Kada puevlo se manejara, kon la administrasion ke la merese!!!
Salyendo de esta idea a kamino: no tenemoz a ken konfiyar, si no a el “Siyor de el mundo”.
Politika no es la tema ke so espiestalisto. Aki paso a un otro sujetto.
Remarkando aki; ke devo un grande remersio, a el kerido ALDO SEVI, por su okupasion; a pasar la istorya: de el teatro ladino en Israel; en el periodiko “AKI YERUSHALAYIM”.
Kon esperansa ke ayegaramos, a mijores tiempos, i kontunear i tornar: a el sujetto, propio miyo.
Saludozos todos i novedades alegres. (A kontunear.)
Albert Anah.
KON KETUBA SINKO, SIN KETUBA DIEZ!
Fuente: BÜLTEN de los Turkanos de Israel – turkisrael.org.il
