eSefarad Noticias del Mundo Sefaradi
Anyada buena i afirmamiento bueno a todos los keridos.
En la vida, moz pasa de la kavesa; penserios i fantazias. Durante de la vida; renkontramoz, djente diferente; i a laz vezes, unos ke se komportan, en una manera diferente.
Ma no siempre es posible de krear un kontakto, kon estos tipos.
Uno de los kaminos ke egziste para realizar esto, sigun mi idea ez: utilizar el tiatro. Kon este kamino; el eskrivante pasa su mesaj a los enteresados. Lo aze esto kon suz biervos ma de boka de un artisto.
No es seguro ke, todo lo ke se dizera en shena; ariva direktamente, a el apuntado. Ma; de boka a boka arivara i topara el oyido konsiderado.
A las vezes; en parte de el ke prova a meter, un djugo teatral en shena; le kaye un tekst eskrito de parte de un otro. Ansi ke, para pueder realizar lo ke se demanda de un direktor semejante es; entrar ariento la kavesa de el eskrivante. Para meter en shena el djugo; en la manera ke el eskrivante penso, ke deve de ser.
Eskritos i afirmados, en livros de; Salud, vidas buenas, pas i amor, parnasa buena kon todos en djuntos.
(A kontunear)
LA PRIMERA PYESA ORIGINAL EN LA LINGUA JUDEO ESPANIOL ESKRITA I METIDA EN SHENA 1989
Fuente: BÜLTEN de los Turkanos de Israel – turkisrael.org.il
