eSefarad Noticias del Mundo Sefaradi
Un disko muevo
Una dicha popular mos dize ke «kuando los kanones truenan, las muzas kayan».
Ma, no en Israel!
En estos dias sale a luz un disko muevo en la edision del Sentro de Investigasion de la muzika Judia (en la Universidad Ebrea en Yerushalayim), i apoyado por el Instituto Misgav Yerushalayim.
El titolo del disko es: «Kantares judeo-espanyoles del Siklo de la Vida en el Mediterraneo Oriental».El disko, dirijido por el Prof. Edwin Seroussi, es una koleksion de kantes, de boka de varias mujeres sefaraditas, orijinarias de los paises del Imperio Otomano.
Las gravasiones fueron echas desde los anyos ’70 por la musikologa Shoshana Weich-Shahak ke tambien eskrivio sus komentarios interesantes.(en un livriko ke se adjunta en el disko).
Por detalios komo obtener el disko, podesh adresarvos a:
Yehuda Hatsvi
Erets Yisrael
En esta seksion, muestro kerido amigo Yehuda Hatsvi un estudiozo de la tradision, del penamiento djudio i de la Ley, va a partajar kon todos mozotros sovre variados temas desde su punto de vista djudio i sefaradí. Yehuda es aresivido en Ekonomia de la Universita de Tel Aviv, puvliko un libro de istorias folklorikas sefaradíes para ninyos, sus artikolos i konsejas aparesen en munchas puvlikasiones komo por eksemplo Aki Yerushalayim i El Amaneser, i es uno de los moderadores de Ladinokomunita.
