eSefarad Noticias del Mundo Sefaradi
En esta seksion, muestro kerido amigo Yehuda Hatsvi un estudiozo de la tradision, del penamiento djudio i de la Ley, kada mes va a partajar kon todos mozotros sovre variados temas desde su punto de vista djudio i sefaradí.
Yehuda es aresivido en Ekonomia de la Universita de Tel Aviv, puvliko un libro de istorias folklorikas sefaradíes para ninyos, sus artikolos i konsejas aparesen en munchas puvlikasiones komo por eksemplo Aki Yerushalayim i El Amaneser, i es uno de los moderadores de Ladinokomunita
Maraton Ladino XX
Keridos amigos,
Es inkreivle! No me lo puedo kreer ke ya pasaron mas de 20 anyos de kuando se fondo, por Selim i Naime Salti, el Sentro Ladino en la universidad de Bar Ilan!
En el kuadro de este Sentro ya pasaron sienes de elevos estudiando en nivel akademiko la kultura i la lengua de los judyos sefaradim; sesh de estos elevos ganaron ya el titolo de Doktor, i se adjuntan al profesorato universitario.
El Sentro Ladino al nombre de Salti amostra klaramente ke muestra lingua bive, i atira al publiko jeneral kon varios proyektos i konferensias interesantes.
Uno de estos proyektos es el Maraton Ladino anual ke oganyo tomo lugar en 14 de enero 2012.
Tuve el plazer de obtener el enlase del youtube kon todas las konferensias de el Maraton de alkavo.
Ayinda mas plazer tengo en transmetervos este enlase espesial:
Yehuda Hatsvi
Erets Yisrael
Para Ladinokomunita
