eSefarad Noticias del Mundo Sefaradi
En esta seksion, muestro kerido amigo Yehuda Hatsvi un estudiozo de la tradision, del penamiento djudio i de la Ley, kada mes va a partajar kon todos mozotros sovre variados temas desde su punto de vista djudio i sefaradí.
Yehuda es aresivido en Ekonomia de la Universita de Tel Aviv, puvliko un libro de istorias folklorikas sefaradíes para ninyos, sus artikolos i konsejas aparesen en munchas puvlikasiones komo por eksemplo Aki Yerushalayim i El Amaneser, i es uno de los moderadores de Ladinokomunita
«Dias de Leche i Miel»
Diya 25 de enero a la tadre tornimos del enkontro ladino ke tomo lugar en el otel Leonardo en Yam aMelah.
Este enkontro ladino, ke es konosido kon su sovrenombre «Dias de leche i miel», es muy renombrado entre los muestros.
Kada anyo -ya ay 11 anyos – se adjuntan durante kuatro dias, (en tres siklos) mas de 2000 ladino-amantes para pasar oras alegres kon kantes i bailes i kon konferensias sovre varios sujetos ke interesan al publiko sefaradi en partikolar.
El segundo siklo va tomar lugar en 12-15 de Fevrero, i el treser – en 26-29 de Fevrero 2012.
Por darvos a gostar un poko de lo ke pasa:
- Matilda Kohen Sarano akompanyada kon la kantadera Betty Klein en su revista «Desde Saragosa asta Yerushalayim».
- David Angel avlo sovre «Trokamientos de kostumbres de Purim en el Imperio Ottomano».
- Yosef Konforti avlo sovre la «Juderia de Bulgaria despues de la epoka otomana».
Para mi, oganyo fue el primer anyo ke fue invitado a dar una de mis konferensias (una ora en ebreo, i la siguiente en ladino). El titolo de la konferensia fue «Judyos en Espania desde el primer asentamiento aya, asta la ekspulsion». Seguro ke me izo mucho plazer ver ke el publiko «votó en favor del ladino» i vino a yenar la sala i eskuchar mi konferensia.
 | | | |
Yehuda Hatsvi
Erets Yisrael
Para Ladinokomunita
