eSefarad Noticias del Mundo Sefaradi
Ver todos los artículos de esta sección
LA KLIMA EN MI PAIZ
Yehuda Hatsvi
Este mez lo konosemos komo “Marso el loko”: a vezes tenemos aires, tempestas i luvyas; al otro dia kalma todo, i el sol sale atraves de las nuves.
Ma, oganyo en partikolar, tuvimos en Israel un Marso kayente, kon dias de solero, komo un mez de enverano.
Esto me izo akodrar de el refran sefaradi:
Muestras avuelas uzavan a dizir ke “refran mentirozo – no ay!”
Sha, veremos a ver si el mez de Mayo, oganyo, va estar yeladiko komo uza a ser el mez de Marso…
De toda manera, la primavera en Israel empesa ofisialmente en el 21 de Marso.
Si es por mi, la primavera empesa en el primo del mez de Nisan (ke en 2018 kaye en dia de Shabat, 17 de Marso).
Por un azardo, topi en la internet ke en Rumania se selebra el “Martisor”, el empesijo de la primavera, en el primo dia de Marso.
Aki vos do un enlase kon un kante al onor del Martsisor:
Fuente: Ladinokomunita
En esta seksion, muestro kerido amigo Yehuda Hatsvi un estudiozo de la tradision, del penamiento djudio i de la Ley, va a partajar kon todos mozotros sovre variados temas desde su punto de vista djudio i sefaradí. Yehuda es aresivido en Ekonomia de la Universita de Tel Aviv, puvliko un libro de istorias folklorikas sefaradíes para ninyos, sus artikolos i konsejas aparesen en munchas puvlikasiones komo por eksemplo Aki Yerushalayim i El Amaneser, i es uno de los moderadores de Ladinokomunita.
