eSefarad Noticias del Mundo Sefaradi
Esta es una konseja de Myriam Cuneo Nathan, sovre su avuelo Bojor en vakanzas de enverano en Piriápolis, Republica Oriental del Uruguay, kuando tenía 3 años ¡I aynda se akodra!
——————————————————————————————————————-
El avuelo me tomó un diya i me disho:
– Ayde Myriamika vámonos a pishkar tu i yo ke agora kon las hadras de la kumida, eyas (la mama i la avuela) trashkean por la kaza mientres mos vamos devagariko hasta el Puerto.
– Oj, Oj, Oj, metete el chapeo i me das la mano, ma aki te asentas kietizika, por modo ke no te kaigas a la mar, Barminam!!!
– I yo, ke esto viejo, me tengo ke tirar para traerte, ¿me entendites?
Si, le arespondí, yo estava trezalida de alegria ke el avuelo tomó la kanya de pishkar, i mos fuimos a pishkar «komo la djente grande».
Pishkamos tres korvinas i el abuelo fue ande el pishkador del puerto kon mi a su lado, i le disho:
– Synior por favor me alimpya estos pishkados, sino kuando yego en kaza tengo galut de ke les yevi aynda mas lavoro a las mujeres, -ya saves mis hijas i mi mujer ke estan haziendo una bamya kon arruziko- ¡Aman , Aman! de chuparse los dedos…
Myriam Cuneo
de Montevideo
