eSefarad Noticias del Mundo Sefaradi
Diya de lunes 18 de oktovre, los ke moramos en Miami tuvimos el plazer de sentir la Konferenya de la Dra. Aviva Ben-Ur, envestigadora i profesora de estoria de la Universita de Massachusetts, en el Sentro de Estudios Djudios Kontemporaneos de la Universita de Miami.
El buto de la konferenya fue la emigrasion de los sefaradis i mizrahim a los Estados Unidos. Eya ekspliko las razones de la emigrasion de finales del siklo XIX i en prinsipios del sikolo XX. Tambien amostro las primeras sosietades de sefaradis en Mueva York i la rika aktivitad journalistika en ladino de akeyos tiempos.
Una de sus esplikasiones fue por modo de las grandes tensiones entre los diferentes grupos etnikos i kulturales, espesialamente entre ashkenazim i los grupos ispanos i latinos.
Su livro «Sephardic Jews in Amerika» es una djoya de envestigasion,
espesialmente para los sefaradis ke nasieron en dita sivdad. Ayi se topan los grandes intelektuales i journalistos ke emprensipiaron la vida kulturala de los sefaradis en los Estados Unidos.
Es muy enteresante ke la gran mayorita de los sefaradis ke moran en la Florida i ke avlan i meldan el djudeo espanyol son vinidos de la sivdad de Mueva York i se reunen en la sivdad de Boyton Beach en las reuniones de «Echar Lashon’ i de «Vijita de Alhad».
Elias Barrocas
Miami
Para Ladinokomunita
