eSefarad Noticias del Mundo Sefaradi
Keridos amigos i amigas
En el Jewish News meldi un artikulo de «Hannah Brown» del Jerusalem Post. tratando de ‘Howard Weiner’ un neurolojisto ke se deside de eskrivir i dirijir el filmo «The Last Poker Game». Lo van a mostrar a este filmo en serka en el Festival de Filmos Judios Internasionales» en Sydney i Melbourne.
Saludes a todos
——————————————————————————-
HOLWARD WEINER NEUROLOJISTO
KE SE METE A ESKRIVIR I DIRIJIR EL FILMO «THE LAST POKER GAME»
Se desidió de tomar tiempo de su kariera de professor de neurolojía para eskrivir i dirijir el filmo «The Last Poker Game». Esta kontente del resultado i no tuvo espanto de azerlo en sus 70. Tuvo siempre interés en arte i filmes. Publiko la novela «The Children’s Ward» en 1980. En 2011 dirijio el dokumental «What Is Life?». Por esto viajo alrededor del mundo demandando la kestión existensial. Al fin le vino la idea del filmo kuando se metió a eskrivir. Su ijo «Ron Weiner» eskrivano i produktor venia de ganar el premio de «Emmy» en la seria de television «30 Rock Silicon Valley». Le sujero de azer una piesa del livro. Despues de enkontrar a «Walter Kleinhard». Weiner le disho ke le gustaría dirijirlo. Kleinhard le respondio diziendo «Si, i yo kero azer operasiones de meoyo». Al fin aksepto a meldarlo. El nunka meldava mas de 15 pajinas, ma esta vez le gusto tanto ke meldo todo.
Weiner empesó su proyekto kon el ayudo de otros. Le dieron konsejos i le ayudaron. Al topar las finansas vido ke su entrenamiento medikal entro en esto. Avia echo su ‘internship» en Tel Hashomer/Israel i traendo al ospital a los soldados firidos. Le kayia a tomar las desiziones duras. Su mujer es Israeliana. Dar vidas a la piesa lo eksito mucho. Oyia las palavras ke avia eskrito el. Tambien a los karakteres ke avía kreado en su mente. Los artistas «Martin Landau» era un professor viejo. «Abe Mandelbaum» forsado a partir en retreta tenia ke okuparse de su mujer. «Molly» sufria de Alzheimer. Todos se van a una Kasa de los Viejos para tener una amistad kon uno ke djugava i korría detrás las mujeres.[Paul Sorvino]. 2 ombres estavan en rivalidad delantre la enfermera «Maria Dizzia» ke bushkava a su padre.Landau tiene 88 anyos i Sorvino 78. Nunka lavoraron endjuntos. Landau murió poko tiempo después del filmo. Weiner dize ke estava yeno de vidas i ke nunka fue hazino asta ke se izo el filmo. Weiner atribuye su reushita por ser onesto kon los viejos. No los mira de aire basho. Ay 4 eshenas de sexo en el filmo i 2 muertes. Manera estranya de mostrar la sexualidad de los karakteres. Weiner siendo mas joven ke sus karakteres, se identifika kon sus dilemas.. Martin dize ke una parte grande del filmo es sovre la viejes. Ke se pasa kuando uno se aze viejo? La kariera de sinema de Weiner empesó agora. En su kavesa están los aktores del filmo siempre. Komo karákter Sorvino tiene su momento bueno kuando dize «Ya lo saves. Somos 2 ombres viejos ke azen lokuras para ser mansosev de nuevo i no puedemos. «Si ay una koza ke se puede azer mejor ke los otros es ser amigos»
Trezladado por Simon Geron
Sydney
Fuente: Ladinokomunita
