eSefarad Noticias del Mundo Sefaradi
Meldar todos los artikolos de esta seksion >>
«Timbros i la kultura sefaradi»
Ribadavia
En el siglo XIV bivian en Ribadavia 1500 djudyos entre las puertas «Porta nova» i «Porta de Arrabal» de la muraya. Esta djuderia fue destruida en 1386 por el duke inglez de Lancaster ke konkisto la sivdad.
Fraza del dia: Ken kere bivir kale sufrir.
WSP 19.11.2020
———————————-
La adorasion de San Vicente
La pintura «La adorasion de San Vicente» se topa en el muzeo de arte antiguo, en Lisboa. Fue echa entre 1460-1470. Aya se ven, entre otros, San Vicente, el rey Alfonso V i su ijo Joao (ke su ijo Emanuel I ekspulso a los djudyos de Portugal) la reyna Isabel i un djudyo kon un livro eskrito en ebreo…
Fraza del dia: Ambezate el arte i metelo aparte.
_
WSP 25.11.2020
———————————-
Peter Sellers
Richard Henry Peter Sellers (1925-1980) era aktor de orijin sefaradi. Era djenyo de aboltar rolo komiko a rolo dramatiko, i alarovez, en la mizma shena. Se kazo 4 vezes i teniya koleksyon de otomobiles.—-
Fraza del dia: Kazar kon vyejo es tomar el chukal por espejo.
__
WSP 06.12.2020
———————————-
Jewish chronicle
El periodiko «Jewish chronicle» fue fondado en 1841 por los sefaradis Moses Angel i David Meldola. Durante 180 anyos lucho, entre otras, kontra el djuzgo de Dreyfus, los pogromes en Rusya i las leyes krueles de los nazistos.
Fraza del dia: No tyenen ni ley ni fey.
—-
__
WSP 07.12.2020
———————————-
Albert Israel, Yerushalayim
Shefe del sirkolo de konservar i promover la kultura sefaradi
