ESPERANZA por Forti Barokas (Teksto+audio)

No serres el livro inmediatamente, la esperansa puede estar en la pajina de alkavo.
Si las nuves estan en el syelo no peryas la esperansa ke dospues va briyar el sol
Keridos lectores, estas palavras las meldi en un livro kontenido de esperansa.

Pensi ke en estos diyas todos mozotros estamos kon esperansa ke todo se va a enderechar. En mirando las novelas de la televizya, no es posible ken se bozdeyen los morales. Seya la inondasyon ke uvo i muryo mas de 50 mil almas, seya los ke kedaron ke estan en un estado muy negro, las eleksyones del pais kualo va ser, ken va ganar, kada uno esta de otras ideas, lo mas negro el terismo de la medina, ke es la sola esperansa muestra los ke bivimos en la diaspora.

Tenemos esperansa ke todo se va azer bueno komo dizish vozos “tov to eat” . Yo kreyo ke kon la mitzva ke meldimos la agada noche de pesah i dishimos este anyo aki al anyo kevyene en Yerusalayim abeluya i kon las orasyones koletivas se va afirmar todas las esperansas.

Bendico el dyo otro un pesah ya pasimos, kon las famiyas, kon komidas ermozas i kon sanedad, para kada anyo ke mos ayege el dyo.

Sigun la data djudiya el diya de alkavo de pesah entramos a envrano. Alora entraremos kon morale, kon esperansa i en riyendo.

DJOHA İ EL GUEVO

Djoha eskriviya i kompozava kantikas, ma no puediya manterners solo de esto. Povereto, the case lisyones de musica a unos kuantos ijos de famiyas rikas.

Un diya uno de sus elevos, antes de la lisyon le disho a Djoha;

-Maestro Djoha, ay unos quantos diyas, kada demanyana antes del dezayuno, esto beviendo un guevo krudo. Me dishheron ke esto me ermozeara la boz.

Djoha le responde;

-El guevo krudo no aze mal, bevelo.

Pasa una semana, el elevo vyene a la lisyon yene le string;

-Maestro Djoha, mi mama me disho de ke ampesi a bever un guevo krudo antes del dezayuno, mi boz se ermozeyo, penso ke i el esta del mezmo avizo

Djoha ke ke aga, el mantenimyento es de los elevos, se estuvo kayado.

Ma el elevo kon espesura, ensistyo with the most kada lisyon, kualo pensa por su boz, Djoha kon pasensya, vez le dyo la mezma respuesta;

-Muy byen bevelo no aze mal

Un tyempo dospues, Djoha enfasado de oyir en kada lisyon la mezma kestyon de su elevo bovo i sin boz, en gritando le disho:

-Oyeme!! Si el guevo teniya esta kapachetad, la gayina kada demayana, en kitando el guevo, iva kantar la traviata.

HARINA CHIKO PEKADO

Un mansevo vyene a la kaza de un rabino con le string:

-Señor Rabbi yo ize un pekado kualo puedo azer para perdonar

El rabino le demanda

-Komo de pekado???

-No me lavi las manos antes de komer

-Si… pekates ma si no lo azes otruna ves es perdonado, Kreyo ke no te olvidates de diz la beraha de antes de komer??

-No señor rabbi no dishe porke aviya en el entorno otra djente ke no eran djudyos me averguensi de Dizir

-¿Kualoooooo? Comités en un Restorante ke no era kasher?? Comité trefa????

-Señor Rabino Komi Trefa

-Deke??? No esto entendyedo en esta sivdad ay miles de Restorantes kasher!!!

-Todos los restaurantes kasher estavan serrados

-Todos??? Komo puede ser?

-Estavan serrados porke era diya en kipur .

ENVERANADA BUENA.

Forti Barokas

Fuente: turkisrael.org.il