eSefarad Noticias del Mundo Sefaradi
El numero 76 de la unika revista istorika de los muestros salyo kon 13 fotografiyas i los artikolos i rubrikas siguente.
- 1636 – Los Sefardi de Bayonne, Fransya
- 1839 – El funeral del haham J.B. Seixas de Nova York
- 1898 – La guerra ispano-Amerikana i los Djidios en los Estados Unidos
- 1943 – Los esfuersos del kapitan italiano Lucillo Merci para salvar los Muestros en Selanik
- Los Muestros en las Amerikas, Indianapolis, EEUU
- Sefardis en la literatura ispana, Vincente Blasco Ibanez
- Folklore i tradisyones, el viaje a Marsilya
El Editorial sigue:
«Djudyos desendientes de akeyos ke mustros Reyes Katolikos, D. Fernando i Dona Isabel, desteraran de los dominyos espanyoles…
Estos, no solamente konservan dayinda la lengua de sus mayores, aunken la eskriven kon karakteres ebraikos, sino asta muchos de eyos…(tienen) yaves i titulo de propriedad de sus kazas en Espanya, donde esperan retornar kon esta perseverensya tenaz de su raza, kon la misma obstinada de fe kon ke estan aguardando al Mesyas.
Sin embargo, koza ekstranya, no tienen rankor alguno kontra mozotros, mos tratan siempre muy bien i nos eskuchan kon palpitante embeleso, kual si muestra boz, muestra palavra i muestro estilo les rekordan a sus muertos asendientes, trayendo a su fantasiya reminisensyas konfuzas i agradavles de akel lenguaje karinyoso, de akeyos blandos aksentos maternales ke me sen komo un aura suave la kunya de los ninyos.» Ansina eskrivyo Diego de Coello Quesada, embasador espanyol en Stambol, Impero Otomano, en 1884.
Dr. Albert de Vidas
Editor
Erensia Sefardi
Fuente: Ladinokomunita
