eSefarad Noticias del Mundo Sefaradi
Ver todos los artículos de esta sección >>
_________________________________________________________
Una chika konversasion en la radio
Tomi grande plazer de sintirlo a Yehuda, komo siempre, i komo siempre tambien me ambezi kozas i biervos muevos de el.
En 0:28:01 empesa la prezentasion de Yehuda.
Nunka savia, por egzemplo, ke en ladino tenemos un biervo por lo ke dizimos en inglez «punch line», kuando kontamos una shaka. Me embezi ke se dize PUENTA! (la puenta de la shaka ande todos se riyen.)
Tambien me embezi ke en Espanya medieval avia tambien kuentos kon un personaje komo Djoha, ke se yamava «Bobo de Makeda». Tambien komo Hershele en Yiddish i Husham en Israel.
Tambien Yehuda me izo akodrar de siertas dichas ke me avia olvidado:
«De tanto dizir amen, le kaye el talet»
«Ayinda le manka 9 para minyan.»
I ke ermoza la demanda de «sensia jenetika»:
«Mujer ke no pare, la ija pare?»
Tambien me embezi ke en Espanya medieval avia tambien kuentos kon un personaje komo Djoha, ke se yamava «Bobo de (?) » (No entendi egzaktamente el biervo, sinti una koza komo «bovo de Makade», ma no topi nada semejante en Google.» Komo era, Yehuda?) Tambien komo Hershele en Yiddish i Husham en Israel.
Tambien Yehuda me izo akodrar de siertas dichas ke me avia olvidado:
«De tanto dizir amen, le kaye el talet»
«Ayinda le manka 9 para minyan.»
I ke ermoza la demanda de «sensia jenetika»:
«Mujer ke no pare, la ija pare?»
Achakes de Yehuda sinti i el program entero (una ora!) kon muncho plazer.
La felisito a Medi Malki por azer estas emisiones.
——————————————————-
Rachel Amado Bortnick
Dallas, Texas
Ladinokomunita
______________________________________________________________
En esta seksion “En vista de Rachel”, Rachel Amado Bortnick, fundadora de Ladinokomunita, un foro en Internet para korrespondensia solo en djudeo-espanyol, va a partajar kon mozotros sus komentarios sovre distintos butos.
