eSefarad Noticias del Mundo Sefaradi
Ver todos los artículos de esta sección >>
En el dia del 21 agusto de 1911, uvo un grande rovo en el muzeo de La Louvre en Paris: se rovaron el tablo de la Mona Lisa (La Giaconda), la famoza pintura de Leonardo da Vinci.
Fue solo al dia sigyente ke se apersivieron del rovo, i el muzeo fue serrado por una semana entera mientres ke la polisia azia la investigasion.
Despues, kuando el Louvre se avrio demuevo, la djente koryeron a ver la pared vazia ande estava la pintura. Djentorya vino i aspero en linyas largas, para poder ver esta pared vazia ande el tablo de La Mona Lisa uzava a ser enkolgado.
Algunos traiyan buketos de flores para meter ayi. Miles de personas vinyeron a vijitar esta pared vazia, mas muncha djente de los dos anyos enteros antes del rovo. Finalmente se topo el tablo i lo enkolgaron demuevo a su lugar el 30 de desembre de 1913.
Ma deke es ke tantas personas kijieron ver, o mirar a la pared vazia?
Esta estorya la konto, i esta demanda la izo el rabino Marc Angel komo introduksion a sus pensamientos para el Shemini Hag Atseret i Simhat Tora.
Yo vos demando a vozotros: ke lisyon vesh vozotros aki?
Saludos a todos,
Rachel
________________________
Rachel Amado Bortnick – Dallas
Ladinokomunita
Doña Raquel:
Mi madre, Beatriz Angel (Bogota 1924 – 2000), contaba la anecdota de que los ladrones devolvieron la Mona Lisa despues de dos años diciendo que debian recompensarlos por haberse aguantado a esa mujer mirandolos a toda hora durante ese tiempo.
No se si era verdad este episodio, pero sealo o no, es muy gracioso.
Respetuoso saludo para usted doña Raquel.
Edgar Ramirez Angel
Boota, Colombia