En este tyempo… Sovre el atako a Israel del 7 de oktobre de 2023: Adi 58 por Albert Israel (meldar i sintir)

Adi, la eroina, estava muerta debasho de la kanape. Gerreo kon su tiro, kontra los teroristos, asta el kurshum de alkavo. Les disho a sus ijos ke se akodren ke los kere muncho bien. Mato un teroristo. Los otros la mataron a eya. Los soldados la kitaron de aya metyendo sus alma en sus palma.
Jackie, su madre, pudo tornar de Kanada solo dia de djugueves. El funeral se organizo por dia de alhad. Partisiparon syenes de personas. No kedo ojo seko. No kedo superlativo ke no fue dicho.
En su tomba esta eskrito una poiziya ke Adi eskrivyo 3 mezes antes de su Muerte. Aki tenesh la poiziya kompozada por la kantadera Reaya Muskal del grupo muzikal, Alma…

«Los dias pasan komo la solombra i el rikordo keda asta la tomba…»