eSefarad Noticias del Mundo Sefaradi
Ofresemos informasiones sovre la poeta sefardi Ester Morguez Algranti, ke dedikó gran parte de su vida a la poesía sovre el Holocausto (Shoá) i fue una musher adelantada a su tiempo. Ester Morguez Algranti, ke eskrivió en muestra lingua, en djudeoespanyol era nasida en Turquía el 19 de Marzo de 1916, i es por esta data ke keremos azer este programa-omenaje a Ester, ke murió en Esmirna el 26 de febrero de 1984. Sus estudios de eskola primaria los izo en la red eskolar de L’Alliance Israélite Universelle de la sivdad, su madre fue Bejorá Malká Rosanes, su padre Jacob Algranti ken la ambezó en el estudio de los tekstos sagrados i desde chikitika azía prédikas en la Sinagoga Portuguesa de la sivdad onde nasió. Su fotó formó parte de las 36 mujeres djudías pioneras en su línea de lavoro en la ekspozisión La primera mujer judía turca professional, en Octubre de 2014, en Estambul. Te kontamos la vida de Ester en este programa omenaje, ya ke Ester fue una musher ke eskrivía poesía, ma tambyén eskrivió sovre destakadas musheres. Ester Morguez Algranti se identifikó kon la dolor de la destruisión de las komunidades djudías evropeas i luchó por la djusticia, la responsabilidad i el rekonosimiento del mundo por entero de este preto echo. Los kantes ke akompanyan este programa son: Pásharo de ermozura en la versión de Janet & Jak Esim, Oh, mis hermanos kante de Judy Frankel i Esta montanya d’enfrente en la versión del Trío Sefarad. Kurunamos el programa kon el kante tradisional Quando el Rey Nimbrod en la interpretasión de Jana Lewitová.
________________________________________________
Muevos orarios emisión: Domingos 09’30, Lunes 12’05, Lunes 22 hs. (Onda corta), España
La «Emisión Sefarad» es un programa kultural de radio, en lingua sefardí o djudeo-espanyol, que se siente kada lunes enverso Oriente Medio i Mediterráneo i los martes enverso América Norte i Sur. Sefarad es uno de los nomvres de Espanya, i el sefardí es una lingua de baza medieval a la ke se adjuntan palavras de los dialektos i linguas de las sivdades onde los sefaradim moravan. Rajel Barnatán, apareja i prezenta las emisiones i sus kontenido por entero: entrevistas, presonajes, folklor i múzika de ancha diversidad, aktividades, tradisiones, literaturas i una lingüístika atada a la kultura ke tyene sus raízes en Espanya. Ansí «Emisión Sefarad» guadra el trezoro poétiko de los S X al XII en uno de los grandes patrimonios kulturales entregados a la umanidad. Ansiemzmo la kreasión kontemporánea arrebive en muestros días i atira el intereso de oyentes de diversos lugares i paízes.
