EL FILMO «CASABLANCA» I LA ISTORIA DETRAS trezladado al ladino por Simon Geron

Keridos amigos i amigas

——————————————————————————-

EL FILMO «CASABLANCA» I LA ISTORIA DETRAS

 

Kuando las kameras se metieron a krear el filmo «Casablanca» en ‘Burbank/California» en Mayo 1942, munchos no avían oido del puerto en el desierto de Norte Afrika «Casablanca». Kon la primera invasión «Operation Torch» gano tanto fama internasional ke al fin en 8 Noviembre 1942 el nombre Casablanca fue konosido por muchos.

35.000 tropas basharon para atakar al Jeneral «Edwin Rommel». Esta operacsón fue autorizada por el Presidente «Franklin D.Roosevelt» i en aziendo un filmo de esto, ivan a djugar ayí los artistas bien konosidos komo «Humphrey Bogard i Ingrid Bergman». Los 2 avían kreado una eshena de amor en el Teatro de Hollywood en New York, semanas después de la bashada en Marroko. Fue una koinsidensia ke se dio el nombre exótiko de Casablanca. Otro filmo ke tuvo un buen reushita fue «Algiers» kon los aktores «Charles Boyer i Hedy Lamarr». Justo kuando se preparava el filmo, el plano era de ko-operar kon Britannia en frente del disputo de entrar o no entrar en la Segunda Gerra Mundial. El filmo venia de empezar basho el titulo «Everybody comes to Rick’s/Cada uno viene al klub de noche de Rick’s».

La istoria fue eskrita por un professor de liseo «Murray Burnett» kuando tenia 30 anyos. Su amiga era «Joan Alison» en 1940. Murray fue inspirado por su viaje a Vienna en 1938 ke el buto era de ayudar a la famiya Judía para partir del país okupado por los Nazistos, kon el dinero ke tenían. La pareja se fue a «Juan Les Pins» serka de «Antibes» en la Riviera Fransesa. Ayi se eskuchava «Jazz» en un Klub de Noche «La Belle Aurore» kon una vista al Mediterráneo ke se topava a 100 kilometros de «St.Tropez». Un pianista preto jugava el Jazz para divertir a los del Vichy i a los Ofisiales Nazistos. Se Ivan ayí también los refujiados fuyendo de la Europa Sentral kon sus papeles nesesarios i moneda para pasar por Espanya i irse a Portugal, un país neutro. Los refujiados menos afortunados tenían ke irsen en vapor a «Oran/Algeria» i después tomar un kamino de 1100 kilometros para ir al Sud/Oeste de Casablanca en la parte Fransesa de Marroko. Asperavan ayí para tomar el vapor o aeroplano indo al Norte de Lisbon i tomar de ayí otro vapor para ir a Amerika.

Burnett paso unas semanas en «Bournemouth/Inglaterra» antes de tornarse atrás a los Estados Unidos. Se metio a tomar notas sovre un djugo Anti-Nazi». En el enverano de 1940 kompleto su djugo ke era «Everybody Comes To Rick’s», en kolaborando kon Alison. La estreya era «Rick Blaine», duenio de un Kafe/Bar Amerikano en Casablanca ke venia de deshar los vuelos revolusionarios de libertad para divertir a los Nazistos i ofisiales de Vichy i a los refujiados i exiliados, para ke agan kompromisos morales obteniendo así visados en el Merkado Preto. Rick se vido amenazado kuando un Lider de la Resistensia Chek entro en el Bar kon su mujer, ke era la mujer ke un tiempo el amo en París. Al no topar un produktor en Broadway «Burnett i Alison» tuvieron ke tornarse a «Warner Brothers» a un analista en 8 Desiembre 1941 justo un día después ke Japon bombardeo a Pearl Harbour en Hawaii. El analista vido ke el rol de «Rick Blaine Iva ser mejor jugado por Bogard. En 12 Enero 1942′ Burnett i Alison firmaron el kontrato por 20.000 Dolares ma fueron forzados a dar los derechos a Warner Brothers. Al fin «Casablanca» en 23 Enero 1943 gano el Oscar i termino ser un filmo muy popular.

Despues Burnett paso 18 anyos para ser rekonosido komo autor de «Play It Sam i We’ll Always Have Paris». Paso por todos los Bares de Gin en todas las sivdades del mundo. La kansión de la tema «As Time Goes By» era su preferida i lo disho ke le gustava kuando se Iva a la Universidad de Cornell en 1931. Admetio ke «Howard Koch, Philip i Julius Epstein kompartieron el Oscar kon el i ke eyos mejoraron el filmo «Here;s Looking At You, Kid».

Trezladado por Simon Geron
Sydney

Fuente: Ladinokomunita