EL DIO ESTA SIEMPRE ALLADO DE LOS DJUSTOS por Dora NİYEGO

dora niyego

Reb Kopel se gana la vida vendiendo bokales de vodka i beer a las tabernas de su kazal en Likova. No era una vida fasil, kon las fuertas taksas ke el gobierno aviya metido a los judios, en el dizochen siglo.

Kada anyo, la demanyana antes de Passover, Reb Kopel vendiya su hametz al uno de sus vizinos. Los rabinos aviyan metido una regla ke puediyan vender el hametz a un no judio. Los vizinos de Reb Kopel ya estavan informados de este ritual. Kada anio, Reb Kopel aziya un contrato kon uno de sus vizinos, dizyendo ke vendyo todo el kontenido de water merkansiya por una suma igual a su valor real. Duspues de Pesaj, Reb Kopel merkava el hametz atras.

Un anyo, uno de los vizinos tuvo una idea. ‘No merkaremos los bokales de Reb Kobel. Kuando va ver ke no los esta puediendo vender, mo los va dar debaldes’.

Kuando Reb Kopel chafteyo a la puerta de sus vizinos en la demanyana de la noche de Passover, dingunos de eyos no kijeron merkar los bokoles. No le tomo muncho tiempo para entender el djugo ke sus vizinos le estavan aparejado.

Reb Kopel no hezito ni un minuto. Metyo los bokales de hametz a su karreta, i se dirijo al riyo.Entremientes, sus vizinos lo estavan obzervando de leshos con alegriya. Reb Kopel anuncia kon boz alta: ‘Puedesh tomar todo, es debaldes’.

Akeya noche, Reb Kopel se asento al Seder sujeto chorason alegre. Todo su capital lo aviya depositado a estos bokoles de vodka i beer. I una gran parte, los aviya merkado kon Kredito. Agora, el dezmazalado ledo sin grosh. Surplus, teniya una grande devda por los bokales ke aviya merkado kon Kredito. Los ocho diyas de Pesaj, los paso kon alegriya. Ni un punto no penso a su devda. Ma ogora, ya era la ora de tornar al mundo real.

Reb Kopel se dirigió a la butika por revisar sus papeles i azer un plano komo iva empesar su negosyo de muevo. En la puerta, rankotro un grupo de ombres dizilusionados: ‘Mos parisyo ke keriyas liberarte de los bokales de vodka i beer. Anuncia ke los puediamos tomar sin pagar nada. Si es esto, deke metites estos perros aya komo guardians para ke protejen los bokoles?’

Durante la fiesta entera, noche i diya, las ventikuatro oras del diya, los perros no permetyeron ke dingunos se asarken de los bokoles.

Reb Kopel se fue al río. Se sorprendyo kuando vido ke los bokoles no estavan tokados. Se disho de si para si: «El Dio esta siempre allado de los djustos».

Dora NİYEGO

 

Fuente: BÜLTEN de los Turkanos de Israel – turkisrael.org.il

Check Also

Decreto de la Alhambra

CESC y Museo Sefardí conmemorarán expulsión de los judíos de España – 3 ABRIL 2024

El próximo miércoles 3 de abril se llevará a cabo en Hebraica el acto de …

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.