eSefarad Noticias del Mundo Sefaradi
La komunidad djudía de Bukarest, despues de 63 anyos, avyo sus archivos i enkontro fotografíyas de sus myembros djudyos, ke fueron matados en Estambol. Estas fotografiyas fueron enbiyadas a Turkiya a un miembro de la komunidad djudiya.
Este ofisyo de padre kon tyempo, lo engrandesyo i empeso a eksportar su byenes a los Estados Unidos, a Japon i a Turkiya.
Munchos djudyos fueron enbiyados a los kampos de konsantrasyon de Terezin en Chekoslovakya.
La famiya Winter, alkilaron una barka i salyeron de Konstanta. Dospues de dos diyas i de un viyaje muy difisil, arivaron al porto Karaköy de Estambol i se enstalaron al otel “Pera Palas”.
Kon la ayuda de merkaderes Djudyos i Ermenis, vendyeron los oros en el gran bazar Kapalıçarşı.
El servisyo sekreto Alman “ABWEHR”, ya aviya empesado a bushkar adresos de los djudyos ke biven en Turkiya, porke el protokol de Wannsee, adoptado por los nazis en Berlin, topo 11 milyones de djudyos ke biven en paizes de la Evropa i 55.500 djudyos en Turkiya.
En mezmo tyempo ke fuyeron de Romaniya, Jossi, Elesa i Jakob Goldberg no se toparon i en mezmo tyempo Simon Stern, Benjamin Morgenstern i Marek Morgenstern de Bulgariya no se toparon i no uvo dingun haber de eyos.
Un myembro de la komunidad djudiya Turka, vido tombas misteryozas en la guerta del konsolato Alman en el sentro Tarabya. En la investigasyon ke izyeron, se noto ke tanbyen aviya un krematoryo en la guerta ke paresiya a los krematoryos de kampos de konsantrasyon de Dahau i Buchenwald.
En las investigasyones toparon ornos para kemar djudyos i fotografiyas de estas famiyas i mezmo de djudyos ke fuyeron de Romaniya i desparesyeron. Ma las otoridades Almanas no dyeron dinguna eksplikasyon sovre este sujeto.
Digo komo syempre “NUNKA MAS”
SHANA TOVA U METUKA.
Forti BAROKAS
Fuente: turkisrael.org.il
