eSefarad Noticias del Mundo Sefaradi
Medi Cohen-Malki es nasida i mora en Yeruyalayim, de padres ke yegaron de Izmir. Tiene estudios en la Universaidad de Yerushalayim, Profesora, poeta i kompozitora, konduse un program de radio en Kol Israel.
Mos eskrivira en esta seksion sovre distintos tema de la istroia, kultura i kostumbres sefaradíes i tambien de aktualidad, asigun sus investigasiones.
Ver todos los artículos publicados >>
Oy,kero avlar sovre la demografia Djudia, los movimientos jeografikos i demografikos de los Djidios en el siglo 20.
En esta avla, me bazi sovre varios artikulos en Ebreo i en Ingles (prensipalmente, sovre estos del profesor Dela Pergola).
En el fin del siglo 19,i, en el empesijo del siglo 20,ay una emigrasion del este al oeste, i, a las Amerikas, o, a otros payises del mundo, por motivos de estreches, o, a kavza de las revolusiones, i, de las gerras.
De la otra parte, uvo una permision de emigrar, i uvo un seso en la limitasion del numeros klauzos de los Djidios ke fueron permitidos de salir de sus lugares.
Del empesijo de los anyos 20 del siglo 20, ay una gran i masiva emigrasion, del este de la Evropa,prensipalmente, a kavza de la situasion ekonomika.
En el empesijo del siglo, los Djidios, estan pasando de un estilo de vida tradisional, ke karakteriza el este de la Evropa, via un trokamiento i una modernizasion, ke estan empesando en el oksidente, i, solo, maz tadre, e stan yegando al oriente.
Jeneralmente, los Djidios, estan arivando de chikos lugares, ke son karakterizados por sus grandes famiyas, estables i apoyantes,i ke estan provando a sovrebivir del aspekto kultural,i del Aspekto ekonomiko.
Verso el siglo 20, ay una tendensia de pasaje a los grandes sentros urbanos i a las sivdades, koza ke esta trokando el karakter de la demografia Djudia..
En el fin del dizimueven siglo, unos 95 porsien de los Djidios, estan pasando a las sivdades. Esta es una immigrasion masiva i dominante.
Asta el 1910, emigraron a los EEUU, 1.400 almas. Esta Immigrasion, es mas grande de la ke esta akontesiendo entre las dos gerras mundialas.
En el 1920, en segito de las restriksiones ke fueron empozadas sovre la entrada a l’Amerika , i la situasion rsta trokando:Eretz Israel esta resiviendo 30 porsien de los Djidios, asta la primera mitad del siglo 20.
El rezultato de esto es, una transformasion radikala del arresentamiento Djidio en el mundo, ke agora, se esta sentralizando en dos lugares: En los EEUU i en Eretz Israel.
El kresimiento de la populasion, esta kreando un problema ekonomiko, i esta estimulando la immigrasion.
El pasaje de los Djidios a los sentros urbanos, devinio una moda. Los emigrantes estan pasando unos trokamientos en el kampo del empleo, de la ekonomia, de la libertad personal i de la politika.
Unos 10 miliones Djidios, estan pasando de lugar en lugar, durante, kaje 100 anyos. En el 1900, 66 porsien de los Djidios, bivian en povlasiones de maz de 10 mil almas, i 13 porsien, en povlasiones de manko de 100 mil almas. En el 1975, 17 porsien, moravan en povlasiones de manko de 10 mil almas, i, 58 porsien en lugares de maz de 100 almas. En el 1900, bivieron en 15 de las grandes komunidades del mundo, 1.730.000 Djidios, i, en el 1925, bivieron en estas komunidades 4.195.000 almas.
En los EEUU, el movimiento de los Djidios, es uno de los mas grandes del mundo, koza ke esta enfluensando el
Agora, eyos estan dispersados en terrenos imensos. El trokamiento de karakter del lugar de bivir, tiene una enfluensia sosial, ekonomika i kulturala.profil demografiko i sus estilo de vida.
El elemento komun de la historia sosial de los Djidios, es de ser una minoridad, ke bive en varios lugares , en segito de los prosesos, ke se estan akontesiendo.
Los Djidios, no lavoravan muncho en la agrikultura en sus lugares, i, eyos se orientaron a unas profesiones eksklusiavas , komo:bankeros, medikos, avokatos, ombres de nogosio, etc, koza ke les ayudo a entegrarsen, maz presto en los payises muevos i modernos.
Medi Malki
