DE LITHUANIA A LA AUSTRALIA trezladado al ladino por Simon Geron

Keridos amigos i amigas

——————————————————————————-

DE LITHUANIA A LA AUSTRALIA

22 junio marka el Aniversario de la Operasión Barbarossa. La invasión Alemana del Union Sovietiko ke fue el punto de torno en la gerra. Milliones de Rusos estavan agora del lado de Britannia i se ajunto ayí los Estados Unidos. Esta invasión se Iva kontra el Pakto de Non-Agression firmado entre el Union Sovietiko i Alemania en 1939. El pakto era firmado por «Vyocheslav Molotov i Joachim Ribbenrop». Este pakto lavoro kontra la Polonia ke era partisionada entre los Rusos i Alemanes en 1940. Despues de esto el Unios Sovietiko avia espandido su influensia en los paises del Baltic i uno era «Lithuania». Los Judios ayí tuvieron 2 anyos de grasia antes ke entren los Nazistos. Estos 2 anyos tuvieron un impakto sovre el futuro de la Ortodoxia en la Australia..

En medio de 1940 muchos Judios en Lithuania sufrieron de la imposisión del Komunismo i se dieron kuento ke el status quo no puedia durar por mucho tiempo. El negativismo del Union Sovietiko verso la praktika de la relijion amenazava su existensia. Lithuania un tiempo era El Sentro del Estudio de la Tora en la Europa del Este. Una de las grandes Yeshivot era «MIR». Los lideres vieron ke el tiempo avia yegado de irse de ayí al ver el ritmo ke avansavan los Nazistos en Europa. Tenian ke ir al Este i muchos obstákolos se metían en el kamino. Se nesesitava topar un lugar ande seria fasil de entrar. Tenian ke tener el derecho de transitar a través la Rusia asta un porto de embarkasiones. La Yeshiva entera de MIR reusho a obtener los pasaportes i visados al Japon. Por esto fue nesesario de tener la asistensia del Konsul Japones en Lithuania. «Chiune Sugihara». El dio los visados mismo si no era permitido. En 1941 la Yeshiva yego a Kobe después ke Japon entro en la gerra. Izieron el transfer a Shanghai.

Oy la Yeshiva MIR en Jerusalem resive miles de estudiantes. Despues ke el Union Sovietiko tomo a la Lithuania, el Konsulado Britanniko aseguro a los sivdadanos Británikos atrapados en la gerra. Entre los 200 evakuados avia un grupo de 17 Judios Relijiosos. Ivan a partir de Rovno en tren día de Shabat en 1940. Ezitaron mucho i el Rav Kovno echo gritos diziendo «Partir si kieresh salvar vuestras vidas» Viajaron en el tren «Trans Siberian» asta Vladivostok, Tomaron el vapor indo a Brisbane. Brisbane no era echo para eyos i se fueron a Sydney. Al prinsipio kerian irse a Melbourne i la Komunidad estava kontra sus ortodoxia teniendo miedo de krear divisiones. El Rav Silber se kedo i en una dekada tuvo influensia grande en kreando estudios de Talmud/Tora. Embiaron estudiantes al extranjero. Sin la Dinastía de Gutnick la komunidad Judía seria diferente de lo ke es oy.

Trezladado por Simon Geron
Sydney

Fuente: Ladinokomunita