eSefarad Noticias del Mundo Sefaradi
Ver todos los artículos de esta sección >>
CHRISTOPHER COLOMBUS
CHRISTOPH COLOMB (Genoa 1451- Validolid 1506)
Famozo navigator, eksplorador maritimo. Kompleto komo Amiral kuatro viajes en el Oseano Atlantiko. Se kazo kon Filipa Moniz Perestrelo en 1479. Padre de dos ijos, Diego i Fernando. Enterrado en la Katedral de Sevilla – Espania
COLOMB JUDYO ???
Un artikolo muy interesante de la CNN ke me vide ovligada de traduizir al Espanyol para ke los lektores puedan meldarlo tambien. Son kozas ke no se ambezan en las klasas.. Por seguro ke no me olvidi de eskrivirvos los komentos en este subjekto para ke tengash la informasyon kuaji kompleta !!!
(CNN) – Pasaron 508 anyos de la muerte de Christoph Colomb, un eksplorator Italiano de Genova ke salyo en mar en 1492 para enrikeser los reyes de Espanya kon oro i episas del Oriente.
Ma no es ansina ! Durante muncho tiempo los historianos inyoraron ke el motivo de Colomb era de liberar Yerushalayim de la dominion de los muzulmanes. En akeyos diyas los Judyos estavan persekutados kon la inkizisyon i deviyan partir si no akseptavan de pasar a la relijyon katolika asigun el dekreto del 31de Marzo 1942. Aviyan 800.000 de eyos i teniyan 4 mezes para aparejarsen i deshar sus tierras…
Unos se konvertyeron i se izyeron los «conversos», otros feinyeron de aversen konvertido en guadrando sus relijyon. Estos eran los «maranos». Diezenas de mil de maranos, judaizantes fueron torturados, kemados bivos por la Iglesya Katolika durante la inkizisyon.
En muestros diyas, investigadores Espanyoles komo Josée Erugo, Celso Garcia de la Riega, Otero Sanchez i Nicolas Dias Perez konkluyeron ke Colomb era uno de estos maranos.
Colomb sinyo su d’alkavo testamento el 19 de Mayo, 1506. Se notaron sinko klozas muy kuryozas i reveladoras.
Kijo ke entregen 1/10 de su fortuna i de sus revenidos a los povres i dar una dota anonima a ijikas proves, lo ke eran tradisyones judiyas. Tambien se deviya dar paras a un judyo ke biviya a la entrada del kartye judyo de Lizbon. En estos dokumentos Colomb utilizo una sinyatura triangular de puntos i letras, egzaktamente komo las inskripsyones ke se enkuentran en las piedras de los simetaryos judyos en Espanya.
Ordeno a sus erederos de utilizar esta sinyatura para siempre. Asigun «La Historia de los Marranos», del historiano Inglez Cecil Roth, el anagrama era una version kriptika del KADISH , la orasyon ke se resita detras de los muertos en la relijyon Judiya. Esto permetyo a sus ijos de dizir el Kadish por sus padres kuando el muryo. Finalmente, Colomb desho paras para suportar la kruzada para liberar la Tierra Santa ke esperava sus suksesores ivan a realizar.
Estelle Irizarry, una profesora de linguistika de la Universitad de Georgetown, analizo el lenguaje i la sintaks de sientos de letras, diarios i dokumentos manuskritos de Colomb i yego a la konkluzyon ke la lingua del eksplorador – en eskrito i en avlado -era el Kastilyano. Irizarry eksplika ke el Kastilyano del siglo 15 era el «YIDDISH» de la Juderia Espanyola, konosido komo el Judyo Sefaradi o «ladino» por siertos.
En la parte superior a la siedra de todas las letras a su ijo Diego, a la eksepsyon de una, se ven las letras Bet i Hey ke sinyifikan en Hebreo «Be ezrat ha Shem» (kon el Nombre de Di-o). Los Judyos utlizan esta bendisyon en sus letras durante siglos. En dinguna letra suya para otras personas estos sinyos no estavan i en la unika letra a Diego ke no estavan era porke la letra deviya ser dada al Rey Fernando.
En su livro «Sails of Hope», Simon Weisenthal sostiene ke el viaje de Colomb fue motivado por un dezeo de enkontrar un lugar seguro para los Judyos ekspulsados de Espanya. En este punto, la antropologa de la Universitad de Stanford, Carol Delaney, yega a la konkluzyon ke Colombo era un hombre profundamente relijyozo ke teniya el motivo de navigar en Asya para konseguir oro, finansyar una kruzada, liberar Yerushalayim i konstruyir de muevo el Templo de los Judios.
En tiempos de Colomb, los Judyos kreyivan ke Yerushalayim deviya ser liberada i el Templo rekonstruido para ke el Mashiah venga. Los ekspertos travan la attensyon a la data ke Colomb partyo. Esto es otra prueva de sus verdaderos motivos. Originalmente deviya partir el 2 de Agosto 1492, ke por kazualitad koensida kon TISHA BE AV, la data de destruksyon del primer i segundo Templo en Yerushalayim.
Colomb troko esta data para evitar de salir en Tisha BeAv, visto ke los Judyos pensan ke no se deve de azer o empesar nada en esta data. Kazualmente o savyendolo, Colomb salyo en mar el mizmo diya ke los Judyos deviyan akseptar el kristyanizmo, partir o murir asigun la ley en Espanya.
El viaje de Colomb no fue, komo se kreye, finansyado por la Reyna Isabel ma por los Judyos konversos i un Judyo. Louis de Santangel i Gabriel Sanchez le emprestaron sin interes 17.000 Dukados de sus proprias paras para pagar el viaje, de mizmo ke Don Isaac Abrabanel, hombre de estado i Rabino Judyo.
Las dos primeras letras de Colomb durante su viaje no fueron para los Reyes Fernando i Isabel ma para Santangel i Sanchez, reingrasyandoles por sus appoyo i kontandoles lo ke aviya enkontrado.
————————————-
COLON … JUDIO?
En relacion al interesante comentario relativo a la presunta judeidad del Almirante Colon, no puedo por mas que subscribirlo, atendiendo para ello, a numerosos datos que acerca de la misma he ido recabando …
El conocimiento explicito que Colon tenia de las Sagradas Escrituras (cuyo estudio era reservado para la clase sacerdotal) abunda en tal tesis, pues que judio no era entonces educado en los rudimentos de la Torah ? … el simple hecho de saber leer, en un Espana con altos indices de analfabetismo, seria por si mismo suficiente para abogar dicha tesis, algo de lo que los judios quedaban excentos, al ser todos ellos instruidos en las reglas basicas de educacion …
Las restricciones alimenticias que al parecer observaba, son tambien ellas indicadoras de su pertenencia al entorno judio …
El hecho al parecer cierto, que guardara a lo largo de sus travesias el dia de Kipur, segun recogen ciertos testimonios, redundaria definitivamente en lo anteriormente expuesto. La colaboracion por el recibida para llevar a cabo cada uno de sus viajes, no se cino solo al aporte crematistico del mismo, sino tambien al cartografico, tal como queda de manifiesto en los mapas disenados a tal fin por el judio Abraham Zacuto, que Colon utilizaria posteriormente … la presencia de conversos en su tripulacion, es tambien ella resenable, como la del conocido Rodrigo de Triana, sin ir mas lejos … en definitiva, todo indica en efecto, que Colon procedia como poco de una familia conversa …
Un Abrazo para todos
Eliseo
——————————————–
Si ! Todo mos desha kreyer ke Colomb era de vedra Judyo i observante del Judaizmo…
Grasyas Eliseo por tus komentos i las informasyones ke mos das..
Kon karinyo – Sharope blanco
———————————————-
COLON … JUDIO ?
Estimada Shapore i saludos para todos:
Colon no era Genovez, no venia de Italia. Porke ekziste una tesis muy konvinsente ke Colon nasio en Katalunya, Espanya.
Colon era desendiente de djudios konversos, ma el praktiko el djudaismo en sekreto. Algunos de los marinos eskucharon a Colon en su kamarote i en algunos dokumentos istorikos ay konstancia o informasion ke dize ke Colon avlo en una lingua ke los marinos no entendian, entonses no enkontraron ekzplikasion lojica para la forma de avlar de su kapitan. Estos dokumentos amuestran ke Cristobal Colon avlo en ebreo, no djudeo espanyol.
Un abraso.
Alesandro Santi.
Uruguay.
—————————————-
Muy enteresante lo ke mos dizes Alesandro. De muncho tiempo ke oygo las dos thezas del lugar de nasimiento de Colomb. De vedra ke el primer es Katalunya i el segundo es Genova. No se deke a mi me viene mas probable la Katalunya ma es solo un sentimiento, nada mas! Puedeser porke vide la statua de Colomb en Barselona serka del puerto ?…. Puedeser porke mi korason ama situarlo serka de Calatayud, yenna de judiyos a esta epoka ? Una koza es sierto. Des de siempre oyi i meldi ke era un Judyo konverso.
Kon karinyo
Sharope blanco
————————————–
La verdadera Historia de Cristobal Colon
Solo ay un dokumento eskrito de Kolon en italiano i kon tantos yerros ke se entiende ke no saviya dita lingua.
800 mil djudios en 1492 nadie kreye esto. Aviyan 300 mil. La metad se aboltaron katolikos. La otra metad, 100 se fuyeron a Portugal i el resto al Norte de Afrika, Italia i el Emperio Otomano.
Kolon izo dos testamentos. Los dos fueron trokados. La estorya de la liberasyon de Yerushalayim era para el meoyiko de Isabela, las tejas de oro i grandes rikesas era para el meoyiko de Fernandiko. Para kualo iba a liberar Kolon a Yerushalayim de los musulmanos, bajo los kualos moraban los djudios, para darselo a los kristianos ke los estavan echando ahuera de la Espanya 17 diyas antes de las kapitolasyones de Santa Fe.
Kolon avlava el kastiliano kon muncho aksento, esta demostrado ke su lingua era el katalano. No todos los djudios avlavan el kastiliano komo lingua djudia, en Katalunya i en Aragon avlaban katalano i en aragones.-Kale ke meldes lo ke te eskrivi – En Galisia el gayego. i en Granada el arabo. El kastelyano se izo la lingua oficiala de la Korte despues del kasamiento de Fernando i Isabela.
Las djoyas de Isabela estavan en la Katedrala de Sevilia en garantiya de las paras ke deviya a Santagel para la guerra contra los moros de Granada.
Saludes
Elias
————————————
Kerido Elias,
Tu saves lo ke dizes i no se deke yo penso la mizma koza…
Ma CNN – el teksto konnektado a Colomb – mos konta kozas diferentes… Ni eyos son burros i por seguro ke se bazan a unas kozikas a la siedra i a la derecha.
Si me akodrava de lo ke se pasava en akeyos tiempos, kuando estava bivyendo yo mizmo en Calatayud, te iva avlar kon serteza i iva ser djusto ! Ven veras ke el meoyiko lo tengo agua i no me akodro de nada ! Ken save al lado de ke riyo estava lavando mi ropa o kon ken estava flortando ! No kreyo ke me mankavan sospirantes del mas sharonfonfon al mas buenacho… Guay guay de mi mamita en ke soflamas deviya meterla !!!
Avlamos mas mas de Colomb ! Yo me namoro ! Kontamos todooooooo lo ke saves de el ! Tu sos historiano i yo una povre kavretika saltando de una roka a la otra ! Ke se yo ?!!!!
Abrasos
Sharope blanco
—————————————
Saludos,
La tesis del Colon djudeo esta en el livro de Sara Lebovici.
Christophe Colomb Juif.
Defense et illustration.
Editions Maisonneuve et Larose. 1986
Dominique – FRANCE
————————————–
La tesis del Colon Katalan.
Asigun la profesora Estelle Irizarry, eksperta de la Universidad de Georgetown, USA. El orijen de Colon no es dudoso por kasualidad sino ke el lo okulto a proposito porke era djudio konverso i su lingua materna era el Katalan, asigun deklaro Estelle Irizarry.
Eya yego a esa konkluzión tras un estudio profundo de los eskritos de Colon donde la klave es una simple «barrita inklinada», un elemento modesto ke aviya fuyido de la atansyon de los otros investigadores. Esta «barrita», konosida como «virgula», esto es, una vara chika, es la ke se uza aktualmente en los adresos del Internet i kon estas, Colon determino puntos fijos kuando azia el plano o mapas de un terreno i indemas Colon lo azia para indikar pausas en sus eskritos.
El kazo es ke esta «virgula» no aparise en eskritos kasteyanos ni tampoko en dingun otro paiys sino solo en los produsidos en el territorio de la «Antigua Corona de Aragón» donde se avlaba Katalan, bazikamente la Katalunya aktual, de estos tiempos i las Islas Baleares, sigun Irizarry.
«Las [vírgulas] funksionan komo el ADN de Colon. Era una kostumbre de el. Colon era un apuntador (eskrivio dukumentos) i era uno de los pokos de akel tiempo», disho la profesora, autora de 34 ovras literarias.
Izarry uza esta metafora komo titolo de su ultima ovra, «El ADN de los eskritos de Cristobal Colon», en el ke bushka los sinyales del intelijente i astuto navigante en los sinyales ke el desho en mas de 100 letras, diarios i dokumentos ke se savian ke eran de el.
Su livro konfirma algunas de las konkluziones echas por el investigador Nito Verdera, ke identifika munchas palavras de orijen Katalan en el modo de eskrivir de Colon. Nito Verdera dize ke Colon era «ibicenco», se pronunsya IBISENKO (biervo kasteyano ke signiyfika natural de Ibiza o pertenesiente o relativo a esta isla del Archipielago Balear. Eya pensa ke Colon kresio en una rejion de lingua katalana, lo ke ekzplika ke no avlava korrektamente en Kasteyano, ke seria su segunda lingua.
Por demazia, estas grafias i otras similares kon el djudeo espanyol, amuestran ke Colon era de orijen djudio, asigun Irizarry. «Colon ‘puntuaba’ (eskrivia) asta los komentarios i interpretasiones de los tekztos i indemas inkluia munchas notas alderredor de las pajinas. En eso se bazava su manera de eskivir komo de los eskrivas de la djuderia, barrio djudio», disho la profesora, kien disho indemas ke «el ebreo es una de las linguas mas ‘puntuadas’ (dokumentadas) ke ekzisten».
Ese orijen ekzplika su manera de pensar, el gran misterio sovre el lugar de nasimiento de Colon, del ke nunka el disho ke era i ke los istoryadores lo ubikan/situan en Genova, Korsega, Portugal y Gresya i indemas Espanya. «La djente ke se eskondia mas, eran los djudios konversos, es dizir, los kripto-djudios», disho Irizarry.
Un abraso, sanos i saludozos ke estesh.
Alesandro.
Uruguay.
Sharope blanco
SEFARADIMUESTRO
Istambul
